Былы вагнеравец расказвае дзецям пра сямейныя каштоўнасці. Яго судзілі якраз за забойства цэлай сям’і
На Сахаліне асуджаны за жорсткае забойства сям'і ў Валгаградзе былы баец ПВК «Вагнер» распавёў школьнікам пра сямейныя каштоўнасці. Як піша выданне V1.ru, Арцёма Дыльмурадава асудзілі на 14 гадоў строгага рэжыму за асабліва цяжкае злачынства ў складзе групы. Аднак ён накіраваўся на вайну, прайшоў «бахмуцкую мясарубку» і цяпер займаецца «грамадска-асветніцкай дзейнасцю» на Сахаліне.
Сустрэча вагнераўца з вучнямі школы №22 прайшла ў чэрвені, але вядома пра яе стала толькі цяпер. Як гаворыцца ў канале фонду «Абаронцы айчыны», сустрэча «насіла патрыятычны характар».
«Мне менавіта мая сям'я дапамагла вярнуцца да мірнага жыцця. <…> Запомніце, дзеці, сям'я — гэта самае важнае ў жыцці. Паважайце старэйшых, паважайце адзін аднаго, будзьце сумленнымі людзьмі», — распавёў школьнікам Дыльмурадаў.
Дыльмурадаў у 2012 годзе разам з трыма падлеткамі забіў сям'ю аднаго з іх — бацьку, мачаху і яе маці. Злачынцы абакралі дом і падпалілі яго.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары