Były vahnieraviec raskazvaje dzieciam pra siamiejnyja kaštoŭnaści. Jaho sudzili jakraz za zabojstva cełaj siamji
Na Sachalinie asudžany za žorstkaje zabojstva siamji ŭ Vałhahradzie były bajec PVK «Vahnier» raspavioŭ školnikam pra siamiejnyja kaštoŭnaści. Jak piša vydańnie V1.ru, Arcioma Dylmuradava asudzili na 14 hadoŭ strohaha režymu za asabliva ciažkaje złačynstva ŭ składzie hrupy. Adnak jon nakiravaŭsia na vajnu, prajšoŭ «bachmuckuju miasarubku» i ciapier zajmajecca «hramadska-aśvietnickaj dziejnaściu» na Sachalinie.
Sustreča vahnieraŭca z vučniami škoły №22 prajšła ŭ červieni, ale viadoma pra jaje stała tolki ciapier. Jak havorycca ŭ kanale fondu «Abaroncy ajčyny», sustreča «nasiła patryjatyčny charaktar».
«Mnie mienavita maja siamja dapamahła viarnucca da mirnaha žyćcia. <…> Zapomnicie, dzieci, siamja — heta samaje važnaje ŭ žyćci. Pavažajcie starejšych, pavažajcie adzin adnaho, budźcie sumlennymi ludźmi», — raspavioŭ školnikam Dylmuradaŭ.
Dylmuradaŭ u 2012 hodzie razam z tryma padletkami zabiŭ siamju adnaho ź ich — baćku, mačachu i jaje maci. Złačyncy abakrali dom i padpalili jaho.
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?44
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary