Палітыка Беларусі як саюзніцы Расіі застаецца крыніцай рызык, і Вільня будзе патрабаваць далейшых абмежаванняў супраць яе, заявіў прэзідэнт Літвы Гітанас Наўседа ў Кіеве на прэс-канферэнцыі з Уладзімірам Зяленскім.
Ён адзначыў, што на тэрыторыі Беларусі Расія праводзіць вучэнні і ажыццяўляе адтуль наступ на ўкраінскую тэрыторыю. Таксама ён нагадаў, што беларускі бок арганізавана накіроўвае нелегальных мігрантаў на літоўскую тэрыторыю ў намаганнях дэстабілізаваць сітуацыю.
«Мы паспяхова супрацьдзейнічалі такім спробам, але гэта не значыць, што Беларусь не спрабуе рабіць гэтага і ў далейшым. Але гэтыя аперацыі проста перамясціліся да мяжы з Польшчай, і ні Польшча, ні ЕС не могуць гэтага трываць. Таму мы глядзім на гэтую дзяржаву без ілюзій і разумеем, што гэта яшчэ адна крыніца рызык для ўсіх нас», — падкрэсліў Наўседа.
Ён дадаў, што Літва заўсёды на форумах ЕС агітуе за тое, каб у дачыненні да Беларусі ўжываліся тыя ж санкцыі, як і ў дачыненні да Расіі.
«Нядаўна ў ЕС быў прыняты яшчэ адзін пакет санкцый супраць Беларусі, і гэта не канец. Мы павінны патрабаваць яшчэ больш строгай ацэнкі Беларусі, улічваючы сітуацыю», — сказаў Наўседа.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА49
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары