Паводле інфармацыі тэлеграм-канала «МотолькоПомоги», учора самалёт Лукашэнкі вярнуўся з Масквы ў Мінск праз тэхнічныя праблемы, якія ўзніклі ў палёце.
Сцвярджаецца, што ў 10:48 7 кастрычніка самы буйны самалёт з авіяпарку Лукашэнкі — Boeing 767-300 (EW-001PB) прызямліўся ў Маскве, дзе высадзіў яго самога разам з дэлегацыяй, а пасля таго пустым вярнуўся назад у Мінск ужо ў 14:00.
Сёння ж гэты борт на працягу гадзіны выконваў тэхнічны аблёт у раёне Нацыянальнага аэрапорта «Мінск», што, у сваю чаргу, з'яўляецца ўскоснай прыкметай праверкі лётных сістэм, якія раней былі замененыя або адрамантаваныя ў самалёта на зямлі.
«МотолькоПомоги» лічыць, што гэтая сітуацыя нетыповая адразу па дзвюх прычынах:
- Лукашэнка застаўся за межамі Беларусі без транспарту для эвакуацыі, чаго не было раней.
- Праблемы з запчасткамі нарэшце дайшлі і да ўрадавых бартоў.
9 жніўня 2024 года менавіта гэты Boeing 767-300 (EW-001PB) быў унесены ў санкцыйныя спісы ЗША. З таго моманту пад амерыканскімі санкцыямі знаходзіцца ўвесь авіяпарк, які выкарыстоўвае Лукашэнка.
Цяпер чытаюць
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно18
Каментары