У Мінску прадаюць трохпакаёвую сталінку з відам на плошчу Перамогі
І колькі ж гэта каштуе?
У цэнтры Мінска выстаўлена на продаж трохпакаёўка на плошчы Перамогі.
Кватэра месціцца на апошнім пятым паверсе дома 1956 года пабудовы па адрасе пр. Незалежнасці, 35. Агульная плошча кватэры 75,7 м², жылая — 49 м².
Усе тры пакоі не прахадныя. Гасцёўня мае плошчу амаль 20 «квадратаў». Вышыня столяў — тры метры.
Спальныя пакоі па 14,5 — 14,7 м². Есць невялікая кладоўка, якую пры жаданні можна прыбраць і тым самым павялічыць адну са спальняў.
Вокны ў трох з чатырох памяшканняў выходзяць у двор, як і адзіны невялічкі балкон. Від на плошчу Перамогі адкрываецца толькі з акна адной са спальняў.
Кватэра ўкамплектаваная мэбляй і тэхнікай, гатовая да пражывання. Поўнасцю заменена электрыка і сантэхніка (трубы), гаворыцца ў апісанні.
Санвузел асобны, у ванным пакоі — толькі душавая кабіна, самой ванны няма.
Просяць за такую кватэру 159 900 даляраў, што больш чым па 2100 даляраў за квадрат.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе23
Каментары