ГУБАЗіК перастаў выкладаць відэа з затрыманымі. З дня, калі да гэтага заклікаў канал, блізкі да Маркава
Апошняе відэа з затрыманым у каналах ГУБАЗіК выйшла 30 кастрычніка. У гэты ж дзень у тэлеграм-канале «Графач», блізкім да міністра інфармацыі Марата Маркава, выйшаў заклік іх болей не публікаваць.
Паток відэа з затрыманымі ад беларускіх сілавікоў не спыняўся з 2020 года. Такога перапынку, здаецца, не было ніколі.
Пра тое, што надышоў час «адмяняць» прымусовыя відэа, 30 кастрычніка напісаў канал «Графач», аўтарства якога прыпісваюць Марату Маркаву. Тады ж быў апублікаваны велізарны допіс пра тое, што штрафаваць людзей за падпіскі — гэта глупства, якое прыводзіць да таго, што людзі выязджаюць за мяжу.
Праўда, падобна, што на рэальных рэпрэсіях новаўвядзенне адбілася мала. З 30 кастрычніка да сёння стала вядома пра аблавы ГУБАЗіК на прадпрыемствах, а таксама пра аблаву КДБ супраць соцень беларусаў.
Падобна, губазікаўцам загадалі зрабіць рэпрэсіі менш бачнымі перад выбарамі. І гэта можа быць як дрэнным, гэтак і добрым знакам.
Калі рэпрэсіі не спыняцца, то заўважыць іх як беларусам, гэтак і міжнароднай супольнасці, будзе складаней. А рэпрэсіі могуць толькі ўзмацніцца перад выбарамі.
Калі гэта знак змякчэння рэпрэсіяў, то, магчыма, рэжым хоча зноўку гуляць у лібералізацыю перад выбарамі.
«Наша Нiва» — бастыён беларушчыны
ПАДТРЫМАЦЬЦяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары
Гэта ненармальна, што так вынішчаюць і выдаўліваюць народ з краіны!
Мянты, таракан, як бы вы не пыжыліся, народ ні любіць, ні выбіраць вас ня будзе! Ваша месца на лавы суда! У лепшым выпадку.