Палітык у інстаграме напісала адкрыты ліст журналістам-«экстрэмістам».
Ганна Канапацкая, якая ўжо была лукашэнкаўскім спойлерам на выбарах 2020 года, цяпер зноў пайшла на прэзідэнцкія выбары.
Але згодна з цяперашняй Канстытуцыяй і Выбарчым кодэксам, прэзідэнтам не можа быць абраны чалавек, які раней меў дазвол на жыхарства ці іншы дакумент замежнай дзяржавы, які дае права на льготы і прывілеі.
«Наша Ніва» раней апублікавала інфармацыю, згодна ў якой Ганна Канапацкая якраз мела нямецкі ДНЖ. Што Ганна была ўладальніцай нямецкага дазволу на жыхарства як мінімум на працягу 2016—2019 гадоў «Нашай Ніве» пацвердзілі былыя паплечнікі палітычнай дзяячкі.
Цяпер жа Канапацкая публічна абвергла гэту інфармацыю, напісаўшы публічны ліст журналістам «Люстэрка» (паводле слоў Канапацкай, з павагі да Юрыя Зісера, якога яна, відаць, лічыць заснавальнікам гэтага выдання).
«Я ніколі не валодала ДНЖ ніякай іншай краіны, у тым ліку і Германіі. Больш за тое, у названы вамі перыяд у мяне не было нават нямецкай візы. Ну а тое, што мае дзеці ў складзе часткі нашай сям'і атрымлівалі тады адукацыю ў Германіі не з'яўляецца правапарушэннем па вызначэнні. Названая акалічнасць была прадметам больш чым стараннага вывучэння кампетэнтных органаў як у перыяд мінулай выбарчай кампаніі, так і пазней», — сцвярджае Канапацкая.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі16
Каментары
i чаму Пагоня й сьцяг Эўразьвязу за яе худьзенькімі плячыма?
яна Беларусь у ЭЗ кліча?