Palityk u instahramie napisała adkryty list žurnalistam-«ekstremistam».
Hanna Kanapackaja, jakaja ŭžo była łukašenkaŭskim spojleram na vybarach 2020 hoda, ciapier znoŭ pajšła na prezidenckija vybary.
Ale zhodna ź ciapierašniaj Kanstytucyjaj i Vybarčym kodeksam, prezidentam nie moža być abrany čałaviek, jaki raniej mieŭ dazvoł na žycharstva ci inšy dakumient zamiežnaj dziaržavy, jaki daje prava na lhoty i pryvilei.
«Naša Niva» raniej apublikavała infarmacyju, zhodna ŭ jakoj Hanna Kanapackaja jakraz mieła niamiecki DNŽ. Što Hanna była ŭładalnicaj niamieckaha dazvołu na žycharstva jak minimum na praciahu 2016—2019 hadoŭ «Našaj Nivie» paćvierdzili byłyja paplečniki palityčnaj dziajački.
Ciapier ža Kanapackaja publična abvierhła hetu infarmacyju, napisaŭšy publičny list žurnalistam «Lusterka» (pavodle słoŭ Kanapackaj, z pavahi da Juryja Zisiera, jakoha jana, vidać, ličyć zasnavalnikam hetaha vydańnia).
«Ja nikoli nie vałodała DNŽ nijakaj inšaj krainy, u tym liku i Hiermanii. Bolš za toje, u nazvany vami pieryjad u mianie nie było navat niamieckaj vizy. Nu a toje, što maje dzieci ŭ składzie častki našaj siamji atrymlivali tady adukacyju ŭ Hiermanii nie źjaŭlajecca pravaparušeńniem pa vyznačeńni. Nazvanaja akaličnaść była pradmietam bolš čym starannaha vyvučeńnia kampietentnych orhanaŭ jak u pieryjad minułaj vybarčaj kampanii, tak i paźniej», — śćviardžaje Kanapackaja.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary
i čamu Pahonia j ściah Eŭraźviazu za jaje chud́zieńkimi plačyma?
jana Biełaruś u EZ kliča?