Віцэ-мэр Лазарэвіч параіла мінчукам, якім не падабаюцца цэны на таксі, ездзіць на метро
Надзея Лазарэвіч заявіла, што транспарт у сталіцы актыўна развіваецца, а таму падаражанне таксі не павінна быць праблемай.
Першая намесніца старшыні Мінгарвыканкама Наталля Лазарэвіч дала параду мінчукам, якіх не задавальняюць цэны на таксі. Чыноўніца ў эфіры СТБ прапанавала гараджанам перасесці на грамадскі транспарт.
«Калі вы не згодныя з цэнаўтварэннем таксі, для вас дорага, то паслухайце — у нас ёсць наземны транспарт, падземны транспарт, цалкам лагістычныя шляхі выбудаваныя ў Мінску, маршруткі, таму права выбару для чалавека ёсць», — выказала меркаванне Лазарэвіч.
Лазарэвіч адзначыла, што не ўсё сышлося на таксі. Паводле яе слоў, праца мясцовых органаў улады выбудаваная вакол таго, каб чалавек мог дабрацца на звычайным аўтобусе, тралейбусе ці метро.
«Так, больш зручна, можа быць, на таксі, больш хутка ў нейкай ступені. Але, яшчэ раз паўтараю, калі ўсё ж такі ёсць такое вялікае пытанне па цане, які мы тут актыўна абмяркоўвалі, ёсць права выбару», — дадала Лазарэвіч.
Пасля ўвядзення абавязковага рэестру для перавозчыкаў цэны на таксі рэзка павысіліся. У адказ дзяржава ўзялося за папулярны сэрвіс «Яндэкс. Таксі»: яго прызналі манапалістам, а дзяржТБ абвінаваціла сэрвіс у несумленнай канкурэнцыі і заступніцтве незарэгістраваным таксістам.
Цяпер чытаюць
«Міс Беларусь» усё больш нагадвае конкурс прыгажосці ў гарэме10
Каментары