«На яго 250 рублёў я жыла шыкоўнае жыццё. А яму не хапае!» Мінчанка спрачаецца з былым мужам пра аліменты
Пасля разводу беларуска атрымлівала на дзіця ад былога мужа штомесяц 200-250 рублёў аліментаў. Апошнія тры месяцы дзіця жыве з бацькам. І той у шоку, што такой сумы недастаткова.
Мінчанка Алена вырашыла расказаць у тыктоку сваю небанальную гісторыю пра аліменты на сына — пасля таго, як тата хлопчыка пачаў пагражаць ёй судом.
Жанчына растлумачыла, што шмат гадоў сын жыў з ёй, а тата даваў прыкладна 200-250 рублёў штомесяц. Але з канца кастрычніка хлопчык жыве з бацькам. Пры гэтым маці не дае былому мужу наяўных грошай.
— Я аплачваю неабходныя расходы: харчаванне ў школе (асноўнае і дадатковае), дадатковыя заняткі, гурткі, мабільны тэлефон. У суме атрымліваецца 200-250 рублёў.
Мінчанка лічыць гэта справядлівым. А вось для былога мужа аказалася сюрпрызам тое, што такой сумы недастаткова.
Цяпер тата дзіцяці пагражае пайсці ў суд, каб атрымліваць аліментамі 25% ад заробку былой жонкі — бо «закон Беларусі адзін для ўсіх». Жанчына іранізуе, што, пакуль сын жыў з ёй, тату не цікавіла, дзе яна бярэ астатнія грошы.
У каментарыях жанчына ўдакладніла, што 200-250 рублёў тата хлопчыка плаціў апошнія 4-5 гадоў, да гэтага сумы былі меншыя. Яна таксама расказала, што сама паставіла былога мужа перад фактам, што цяпер дзіця будзе жыць з ім: «Сказала, што ён такі ж бацька, як і я».
— Як высветлілася, я жыла за яго 250 рублёў шыкоўнае жыццё. Якое ён, на жаль, пражыць не можа. Яму не хапае на вандроўкі, шмоткі, фінтыфлюшкі нейкія, — як ён мне некалі казаў.
Жанчына кажа, што не баіцца суда і ўпэўнена, што зможа яго выйграць.
Той «Максім з Латвіі», які ўцёк у Беларусь, — ідэйны змагар з аліментамі
«Са мной усё проста і бясплатна». Адшукалі беларусаў, якія, як Дураў, хочуць дзяліцца спермай і пакідаць шмат нашчадкаў
Брамніку зборнай Расіі забаранілі выязджаць у Еўропу, пакуль не выплаціць аліменты. Ці зможа ўцячы праз Беларусь?
«Паехала да былога мужа па аліменты, а пасадзілі за шпіянаж». Гісторыя яшчэ адной украінкі, якую асудзілі ў Беларусі
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі10
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары