Грамадства1212

Халезін: Самыя вялікія ганенні на Свабодны тэатр былі пры Латушку. Але яму не трэба каяцца перада мною

У новым выпуску ТОКу знакаміты рэжысёр Мікалай Халезін расказаў пра сваё стаўленне да Паўла Латушкі.

Падчас размовы вядучая «Тока» Наста Роўда папрасіла Мікалая Халезіна выказаць меркаванне пра Паўла Латушку.

«Мы сябруем з ім. Пры гэтым, калі мы толькі пазнаёміліся і пачалі камунікаваць, я яму выказаў усе свае прэтэнзіі. Што самыя вялікія ганенні на Свабодны тэатр былі ў той перыяд, калі ён быў міністрам культуры», —

адказаў Мікалай Халезін і патлумачыў, што такая пазіцыя з боку дзяржавы не была пазіцыяй Латушкі.

«Яму не трэба было каяцца перада мной. Таму што я ведаў, што гэта была не яго работа. Гэта рабіў [Уладзімір] Макей, які тады ўзначальваў Адміністрацыю прэзідэнта».

Як сцвярджае Халезін, падчас адной з размоваў ён распытваў у Латушкі яго планы на будучыню:

«Я кажу: «Што ты хочаш далей? Як бы ты сабе ўяўляў сваю кар'еру?» Ён мне расказаў, і мне спадабалася тое, што ён гаварыў. Але гэта лепей няхай ён гаворыць».

Халезін даводзіць, што ў яго з Паўлам Латушкам склаліся вельмі добрыя адносіны:

«Павел — той чалавек, якому я магу проста пазваніць ноччу і сказаць: «Вось заўтра ранкам такая-та сустрэча. Як думаеш?» Ён бадзёра раскажа, быццам бы і не спаў. Ён малайчына, яго працаздольнасць вар'яцкая.

@tokbelarus Почему режиссер Николай Халезин смеется над Лукашенко и его пропагандой? #политика #беларусь #минсксейчас #беларусьновости #новостибеларуси #Лукашенко ♬ Polozhenie - Izzamuzzic Remix - Скриптонит

Дзіўна, што гэта якраз два чалавекі, якія цяпер на чале працэсу — ён і Святлана [Ціханоўская]. Яны, здаецца, двухжыльныя. Але я разумею, што гэта ўсё вельмі цяжка даецца. І па здароўі».

На пытанне, ці бачыць Латушку прэзідэнтам Беларусі, рэжысёр адказаў:

«Чаму б і не. Гэта будзе ён вырашаць. Я думаю, ён хацеў бы стаць прэзідэнтам. Таму што для палітыка гэта увогуле як бы сусветны рэкорд — стаць прэзідэнтам. Я бачу яго [на пасадзе] лёгка. Таму што ён зможа балансаваць, зможа адстойваць пазіцыю Беларусі, а не сваю».

Глядзіце цалкам:

Каментары12

  • Мані-мані-мані
    22.12.2024
    Такім людзям, як Халезін, нават калі заўра б Лукашэнка апынуўся ў эміграцыі і меў уплыў на размеркаванне грантаў, было б таксама цалкам Ок. Кім бы ён быў у Беларусі? Ніхто і ня ведаў яго. А тут і гастраляю, і піярыцца на беларускай тэматыцы, ды і грошы ня пахнуць.
  • Gash
    22.12.2024
    Ці не той гэта Халезін які сам прызнаўся што працуе на КДБ лукашызму, злачынную арганізацыю якая займаецца пераследам палітычных праціўнікаў рэжыму, членаў іх сямей, палітычнымі рэпрэсіямі, творыць міжнародныя злачынствы супраць чалавецтва і займалася і займаецца генацыдам беларускага і іншых народаў, палітычнымі забойствамі і іншымі злачынствамі?
  • Міхась
    22.12.2024
    Безумоўна, чагосьці дамагчыся ў лукашэнкаўскай Беларусі Халезіну было б надта цяжка і нават немагчыма. А вось самарэалізавацца ў Вялікай Брытаніі ён здолеў. Мэтай дэмакратычных сіл з'яўляецца будаванне краіны, ў якой кожны будзе мець магчымасці для самарэалізацыі ня горшыя за брытанскія. Але дыктатарскі рэжым Лукашэнкі, які разглядае ўсіх самастойных і незалежных беларусаў ворагамі - несумяшчальны з гэтай мэтай. Таму ён мусіць быць знішчаны.

Цяпер чытаюць

На канцэрт Кадышавай у Мінску ў какошніках прыйшлі нават мужчыны80

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

Аргазм ёсць, а спермы няма. Што такое рэтраградная эякуляцыя і чым яна небяспечная11

Зяленскі заявіў, што Украіна спыніла больш за палову расійскай нафтаперапрацоўкі7

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны80

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць