Chalezin: Samyja vialikija hanieńni na Svabodny teatr byli pry Łatušku. Ale jamu nie treba kajacca pierada mnoju
U novym vypusku TOKu znakamity režysior Mikałaj Chalezin raskazaŭ pra svajo staŭleńnie da Paŭła Łatuški.
Padčas razmovy viadučaja «Toka» Nasta Roŭda paprasiła Mikałaja Chalezina vykazać mierkavańnie pra Paŭła Łatušku.
«My siabrujem ź im. Pry hetym, kali my tolki paznajomilisia i pačali kamunikavać, ja jamu vykazaŭ usie svaje pretenzii. Što samyja vialikija hanieńni na Svabodny teatr byli ŭ toj pieryjad, kali jon byŭ ministram kultury», —
adkazaŭ Mikałaj Chalezin i patłumačyŭ, što takaja pazicyja z boku dziaržavy nie była pazicyjaj Łatuški.
«Jamu nie treba było kajacca pierada mnoj. Tamu što ja viedaŭ, što heta była nie jaho rabota. Heta rabiŭ [Uładzimir] Makiej, jaki tady ŭznačalvaŭ Administracyju prezidenta».
Jak śćviardžaje Chalezin, padčas adnoj z razmovaŭ jon raspytvaŭ u Łatuški jaho płany na budučyniu:
«Ja kažu: «Što ty chočaš dalej? Jak by ty sabie ŭjaŭlaŭ svaju karjeru?» Jon mnie raskazaŭ, i mnie spadabałasia toje, što jon havaryŭ. Ale heta lepiej niachaj jon havoryć».
Chalezin davodzić, što ŭ jaho z Paŭłam Łatuškam skłalisia vielmi dobryja adnosiny:
«Pavieł — toj čałaviek, jakomu ja mahu prosta pazvanić nočču i skazać: «Voś zaŭtra rankam takaja-ta sustreča. Jak dumaješ?» Jon badziora raskaža, byccam by i nie spaŭ. Jon małajčyna, jaho pracazdolnaść varjackaja.
Dziŭna, što heta jakraz dva čałavieki, jakija ciapier na čale pracesu — jon i Śviatłana [Cichanoŭskaja]. Jany, zdajecca, dvuchžylnyja. Ale ja razumieju, što heta ŭsio vielmi ciažka dajecca. I pa zdaroŭi».
Na pytańnie, ci bačyć Łatušku prezidentam Biełarusi, režysior adkazaŭ:
«Čamu b i nie. Heta budzie jon vyrašać. Ja dumaju, jon chacieŭ by stać prezidentam. Tamu što dla palityka heta uvohule jak by suśvietny rekord — stać prezidentam. Ja baču jaho [na pasadzie] lohka. Tamu što jon zmoža bałansavać, zmoža adstojvać pazicyju Biełarusi, a nie svaju».
Hladzicie całkam:
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda
Chalezin zhadaŭ, jak Łukašenka napiaredadni refierendumu 1996 hoda sprabavaŭ kupić žurnalistaŭ
Chalezin pra 2020: «Pieramovy pra harantyi biaśpieki Łukašenku išli, ale jon navat nie padniaŭ trubku, kali pazvaniła Mierkiel»
Kamientary