Байдэн збіраецца на развітанне ўвесці пакет санкцый супраць «ценявога флоту» Расіі
У апошнія тыдні свайго знаходжання на пасадзе прэзідэнт ЗША Джо Байдэн разглядае магчымасць увядзення новых маштабных санкцый супраць энергетычнага сектара Расіі. Газета The Washington Post паведаміла пра гэта 24 снежня са спасылкай на чатырох чыноўнікаў, знаёмых з пытаннем.
Новыя санкцыі могуць даць новай адміністрацыі абранага прэзідэнта Дональда Трампа больш рычагоў у перамовах з Уладзімірам Пуціным па спыненні вайны супраць Украіны, адзначаюць крыніцы.
Асноўная ідэя гэтых санкцый — у тым, каб нанесці ўдар па так званым «ценявым флоце» міжнародных суднаў, якія транспартуюць расійскую нафту ў краіны за межамі заходняга блока, а таксама па расійскіх экспарцёрах нафты, якія раней не падвяргаліся санкцыям.
Са слоў крыніц, сярод іншых варыянтаў разглядаецца скасаванне ліцэнзій, якія дазваляюць банкам праводзіць аперацыі, звязаныя з расійскім энергетычным сектарам. Калі гэтыя меры будуць рэалізаваныя, яны могуць сфармаваць эканамічную і замежнапалітычную спадчыну Байдэна перад інаўгурацыяй Трампа.
«Мэтай новых буйных санкцыйных захадаў павінна быць скарачэнне даходаў Расіі ад экспарту на двухзначныя паказчыкі цягам шасці-дванаццаці месяцаў», — заявіў Пітэр Харэл, былы старшы дырэктар у міжнароднай эканоміцы ў адміністрацыі Байдэна.
Высокапастаўлены прадстаўнік адміністрацыі Байдэна на ўмовах ананімнасці патлумачыў, што гэтыя меры неабходныя для надання Украіне «лепшай магчымасці» для абароны і вядзення перамоваў аб міры на справядлівых умовах.
21 лістапада Злучаныя Штаты ўвялі санкцыі супраць Газпрамбанка — аднаго з нямногіх буйных расійскіх банкаў, якія раней не былі ўключаныя ў санкцыйны спіс, — каб абмежаваць здольнасць Крамля фінансаваць ваенныя дзеянні.
ЕС рыхтуе новыя санкцыі супраць РФ да трэцяй гадавіны ўварвання
Расійскае грамадства хоча вайны, паказваюць апытанні
ЗША патрацілі $30 мільёнаў на абслугоўванне арыштаванай яхты расійскага алігарха Керымава. У ёй памянялі нават ёршыкі ў прыбіральні
Вялікабрытанія ўвядзе шырокамаштабныя санкцыі супраць «ценявога флоту» Расіі
Мы здабылі лічбы імпарту расійскай нафты. З іх ясна, як Лукашэнка кампенсуе страты ад санкцый
Максім Знак наведаў спектакль «Зэкамерон», пастаўлены па ягонай кнізе, напісанай у СІЗА4
Каментары