«Першыя тры дні мы не чулі ад Расіі нічога, акрамя вар'яцкіх версій». Аліеў патрабуе ад Расіі выбачэнняў і прызнання віны
Прэзідэнт Азербайджана Ільхам Аліеў сказаў, што Расія «хоча замяць пытанне» аб прычынах крушэння самалёта пад Актау. З'явіліся першы афіцыйны каментарый ад азербайджанскага прэзідэнта, які даў інтэрв'ю мясцоваму тэлебачанню.
Аліеў заявіў, што першыя тры дні ад Расіі не чулі нічога, «акрамя вар'яцкіх версій». Найперш гэта былі версіі пра птушак у фюзеляжы і выбух газавага балона на борце. Той факт, што фюзеляж быў увесь у прабоінах, цалкам зняў версію пра сутыкненне з птушкамі.
Аліеў адзначыў, што некаторыя колы ў Расіі палічылі за лепшае прытрымлівацца гэтых версій: «Адным з момантаў, які нас засмуціў і здзівіў, было тое, што расійскія афіцыйныя структуры вылучылі версіі аб выбуху нейкага газавага балона. То-бок, гэта адкрыта паказвала, што расійскі бок хоча замяць пытанне, і гэта, вядома, нікому не робіць гонару».
Аліеў дадаў, што спачатку самалёт быў прыведзены ў некіравальны стан сродкамі радыёэлектроннай барацьбы. «Гэта першае пашкоджанне, нанесенае самалёту», — сказаў прэзідэнт Азербайджана.
Ён таксама ўдакладніў, што пасля ў выніку агню, адкрытага з зямлі, моцна пацярпела і хваставая частка самалёта.
Аліеў сказаў, што прызнаць сваю віну, своечасова прынесці прабачэнні Азербайджану, які лічыцца дружалюбнай краінай, і данесці гэта да грамадскасці - усё гэта былі меры і крокі, якія неабходна было зрабіць.
«На жаль, першыя тры дні мы не чулі ад Расіі нічога, акрамя вар'яцкіх версій, сказаў кіраўнік дзяржавы», — сказаў ён.
Баку патрабуе ад Масквы «прызнання віны, пакарання вінаватых і выплаты кампенсацый» у сітуацыі з катастрофай самалёта AZAL, заявіў Аліеў.
Учора стала вядома, што Уладзімір Пуцін выбачыўся перад Аліевым за атаку на самалёт Баку — Грозны. Размова адбылася па ініцыятыве расійскага боку. Пуцін у размове з прэзідэнтам Азербайджана выказаў спачуванні сем'ям загінулых.
Але гэтага, відавочна, для азербайджанскага боку аказалася недастаткова.
Раніцай 25 снежня самалёт Azerbaijan Airlines, які ляцеў з Баку ў Грозны, упаў блізу аэрапорта Актау на захадзе Казахстана. Калі самалёт пралятаў над Чачнёй, па ім ударыла СПА, якая працавала ў выніку налёту беспілотнікаў.
На борце лайнера было 67 чалавек, у тым ліку 37 грамадзян Азербайджана, 16 расіянаў, шэсць казахстанцаў і трое грамадзян Кыргызстана. У авіякатастрофе загінулі 38 чалавек, 29 выжылі.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары
- да чего ж полностью не цитируете??? Слабо? Селективная журналистика? Подгоню под фигуру?