«Pieršyja try dni my nie čuli ad Rasii ničoha, akramia varjackich viersij». Alijeŭ patrabuje ad Rasii vybačeńniaŭ i pryznańnia viny
Prezident Azierbajdžana Ilcham Alijeŭ skazaŭ, što Rasija «choča zamiać pytańnie» ab pryčynach krušeńnia samalota pad Aktau. Źjavilisia pieršy aficyjny kamientaryj ad azierbajdžanskaha prezidenta, jaki daŭ intervju miascovamu telebačańniu.
Alijeŭ zajaviŭ, što pieršyja try dni ad Rasii nie čuli ničoha, «akramia varjackich viersij». Najpierš heta byli viersii pra ptušak u fiuzielažy i vybuch hazavaha bałona na borcie. Toj fakt, što fiuzielaž byŭ uvieś u praboinach, całkam źniaŭ viersiju pra sutyknieńnie z ptuškami.
Alijeŭ adznačyŭ, što niekatoryja koły ŭ Rasii paličyli za lepšaje prytrymlivacca hetych viersij: «Adnym z momantaŭ, jaki nas zasmuciŭ i ździviŭ, było toje, što rasijskija aficyjnyja struktury vyłučyli viersii ab vybuchu niejkaha hazavaha bałona. To-bok, heta adkryta pakazvała, što rasijski bok choča zamiać pytańnie, i heta, viadoma, nikomu nie robić honaru».
Alijeŭ dadaŭ, što spačatku samalot byŭ pryviedzieny ŭ niekiravalny stan srodkami radyjoelektronnaj baraćby. «Heta pieršaje paškodžańnie, naniesienaje samalotu», — skazaŭ prezident Azierbajdžana.
Jon taksama ŭdakładniŭ, što paśla ŭ vyniku ahniu, adkrytaha ź ziamli, mocna paciarpieła i chvastavaja častka samalota.
Alijeŭ skazaŭ, što pryznać svaju vinu, svoječasova prynieści prabačeńni Azierbajdžanu, jaki ličycca družalubnaj krainaj, i danieści heta da hramadskaści - usio heta byli miery i kroki, jakija nieabchodna było zrabić.
«Na žal, pieršyja try dni my nie čuli ad Rasii ničoha, akramia varjackich viersij, skazaŭ kiraŭnik dziaržavy», — skazaŭ jon.
Baku patrabuje ad Maskvy «pryznańnia viny, pakarańnia vinavatych i vypłaty kampiensacyj» u situacyi z katastrofaj samalota AZAL, zajaviŭ Alijeŭ.
Učora stała viadoma, što Uładzimir Pucin vybačyŭsia pierad Alijevym za ataku na samalot Baku — Hrozny. Razmova adbyłasia pa inicyjatyvie rasijskaha boku. Pucin u razmovie z prezidentam Azierbajdžana vykazaŭ spačuvańni siemjam zahinułych.
Ale hetaha, vidavočna, dla azierbajdžanskaha boku akazałasia niedastatkova.
Ranicaj 25 śniežnia samalot Azerbaijan Airlines, jaki lacieŭ z Baku ŭ Hrozny, upaŭ blizu aeraporta Aktau na zachadzie Kazachstana. Kali samalot pralataŭ nad Čačnioj, pa im udaryła SPA, jakaja pracavała ŭ vyniku nalotu bieśpiłotnikaŭ.
Na borcie łajniera było 67 čałaviek, u tym liku 37 hramadzian Azierbajdžana, 16 rasijanaŭ, šeść kazachstancaŭ i troje hramadzian Kyrhyzstana. U avijakatastrofie zahinuli 38 čałaviek, 29 vyžyli.
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje11
Kamientary
- da čieho ž połnosťju nie citirujetie??? Słabo? Sielektivnaja žurnalistika? Podhoniu pod fihuru?