«Ліліт, вы святло яго жыцця». Раніцай 1 студзеня мінчук зрабіў прапанову сваёй дзяўчыне ў самалёце «Белавія» на вышыні 10 тысяч метраў
З выдатнай падзеі пачаўся новы год для адной сталічнай пары. Знаходзячыся на вышыні прыкладна 10 000 метраў, мінчук Максім зрабіў прапанову сваёй дзяўчыне Ліліт. Адбылося ўсё роўна а 10:00 1 студзеня, піша Onliner.by.
— Два з паловай месяцы таму я купіў пярсцёнак, — распавядае Максім. — Прапанову планаваў зрабіць у незвычайны час (на Новы год) і ў незвычайным месцы (самалёт выдатна падыходзіў).
Маладому чалавеку заставалася толькі рэалізаваць задуманае. Для гэтага былі набытыя квіткі на рэйс Мінск — Казань і ўжо на месцы праведзеныя перамовы з бортправаднікамі «Белавія».
— Да гэтага мы з Ліліт ніколі разам не падарожнічалі. Так як з шэнгенскай візай паўсталі складанасці, вырашылі паляцець у Расію. Разглядалі розныя гарады і ў выніку спыніліся на Казані, у якой я быў ужо чатыры разы па працы. Гэта вельмі прыгожы горад, у якім можна скласці шырокую культурную праграму: у нас на кожны з пяці дзён падарожжа запланаваны па два—тры мерапрыемствы. Да таго ж там ёсць снег і мароз — навагодні настрой забяспечаны.
Прамы рэйс з Мінска ў Казань быў запланаваны на 09:35. Усё ішло без накладак: у патрэбны час пасажыры аказаліся на борце, самалёт узляцеў.
— Пасля таго як усім раздалі напоі і дэсерт, я падышоў у хвост самалёта і папрасіў бортправадніц дапамагчы мне. Яны пагадзіліся, за што ім вялікі дзякуй. У выніку атрымалася зрабіць прапанову а 10:00 на вышыні 10 тысяч метраў (вышэй аблокаў), пад узыход сонца, — дзеліцца сваім шчасцем малады чалавек.
«Новы год — новы пачатак. І сёння ў нас асаблівы момант. На борце гэтага самалёта знаходзіцца адзін малады чалавек, які хоча, каб яго любімая дзяўчына стала яго шчаслівай жонкай. Максім, прашу вас падняцца. Ліліт, вы святло яго жыцця! Ён хоча, каб вы ведалі, як моцна ён вас кахае», — такія словы прагучалі ад сцюардэсы.
Усмешкі, апладысменты, віншаванні і нават традыцыйнае «Горка» — настрой адразу ўзляцеў ва ўсіх, хто знаходзіўся на борце.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары