Прэзідэнт Радыё Свабода пра вызваленне Кузнечыка: Гэта заслуга належыць адміністрацыі Трампа
Стывен Капус пракаментаваў вызваленне ўчора журналіста радыё, які прабыў за кратамі тры гады.
«Уся заслуга належыць адміністрацыі Трампа. Прэзідэнт вельмі ясна даў зразумець, што мае намер вярнуць дадому ўсіх людзей, усіх амерыканцаў, якія ўтрымліваюцца як палітвязні па ўсім сьвеце, і іх тысячы. Але ў гэтым выпадку мы аддаём належнае прэзідэнту, бо Андрэй — грамадзянін Беларусі. І навошта гэта рабіць ЗША? Прасцей кажучы, гэта праца, якую робіць, у гэтым выпадку, Радыё Свабода. Праца ацэненая адміністрацыяй Трампа. Шмат у чым нашы людзі, усе, хто працуе на Радыё Свабодная Еўропа/Радыё Свабода, знаходзяцца на перадавой дэмакратыі. І таму я лічу, што ўчора вечарам адміністрацыя пайшла на гэты надзвычайны крок. І мы сапраўды вельмі ўдзячныя за іхныя дзеянні», — сказаў Стывен Капус.
— Калі казаць пра гэтую вялікую працу, то яна не скончаная, бо другі журналіст, Ігар Лосік, застаецца ў турме ў Беларусі. Ці працягваюцца намаганні для яго вызвалення і якія праблемы сустракаюцца на гэтым шляху?
— Вяртанне Ігара Лосіка дадому па-за часам, і мы з нецярплівасьцю чакаем гэтага дня. Я магу вам сказаць, што мы атрымалі запэўніваньні ад найвышэйшых службовых асоб ЗША, што гэта таксама іх прыярытэт і яны будуць працягваць працаваць, каб забясьпечыць ягоны выхад на волю.
Я хачу сказаць сёе-тое важнае пра намаганні вярнуць дадому і Ігара, і Андрэя. Гэта ня быў абмен. Гэта ня быў гандаль. Вызваленьне трох чалавек было зарганізаванае адміністрацыяй Трампа. Гэта тое, што вельмі важна разумець усім. Выйшлі на волю амерыканскі грамадзянін і беларускі журналіст, які працуе на фінансаваную ЗША арганізацыю, у нашым выпадку Андрэй Кузнечык.
Цяпер чытаюць
Зяленскі ў Вільні: Пакуль шпіц Лукашэнкі мае больш правоў, чым народ Беларусі1
Каментары
Іх проста памінялі, таго што Менск ужэ точна нічэво ні рышаіць