Амерыканцы забралі з беларускай турмы журналіста Андрэя Кузнечыка і яшчэ двух палітзняволеных
Пра вызваленне палітзняволеных паведаміла Святлана Ціханоўская.
Разам з Андрэем Кузнечыкам, супрацоўнікам «Радыё Свабоды», выйшлі на свабоду актывістка Алена Маўшук і грамадзянін ЗША, імя якога не раскрываецца.
«Я вельмі ўдзячная Прэзідэнту Трампу, дзяржсакратару Рубіа і дзярждэпартаменту ЗША за супольныя намаганні, якія зрабілі гэта магчымым», — адзначыла Ціханоўская.
Усе трое ўжо знаходзяцца ў Літве.
У тэлеграм-канале Ціханоўскай апублікавалі відэа з Аленай Маўшук.
Андрэй Кузнечык — журналіст-фрылансер «Радыё Свабоды». Яго затрымалі ў лістападзе 2021 года. 8 чэрвеня 2022 Магілёўскі абласны суд прыгаварыў журналіста да 6 гадоў калоніі.
У студзені 2025 года дзяржаўны канал АНТ выпусціў інтэрв'ю са зняволеным журналістам.
Прэзідэнт і генеральны дырэктар «Радыё Свабодная Эўропа/Радыё Свабода» Стывен Капус пракаментаваў навіну пра вызваленне Андрэя Кузнечыка:
«Гэта радасны дзень для Андрэя, ягонай жонкі і іх дваіх малых дзяцей. Пасля больш чым трох гадоў расстання гэтая сям’я зноў разам дзякуючы прэзідэнту Трампу. Мы таксама ўдзячныя дзяржсакратару Рубіа і ягонай камандзе, і літоўскаму ўраду за іх падтрымку. Мы захоўваем надзею, што наш журналіст Ігар Лосік таксама будзе вызвалены, і спадзяемся на далейшае лідарства і кіраўніцтва адміністрацыі Трампа».
Алену Маўшук затрымалі 10 жніўня 2020 года ў Пінску. У красавіку 2021 года ёй прысудзілі 6 год калоніі па справе аб масавых беспарадках.
Беларус жыве ў доме, які пабудаваў з саломы, пяску і гліны. Пры гэтым ён — адзіны жыхар вёскі. Як адчуванні?7
Каментары