Навукоўцы б'юць трывогу: ледзяны шчыт Грэнландыі паскорана расколваецца
Расколіны на ледавіках, якія ўзнікаюць праз напружанне, з'яўляюцца важным індыкатарам стану ледзяных шчытоў. Яны могуць вар'іравацца ад міліметраў да некалькіх метраў у шырыню і паказваюць, як лёд рухаецца ў бок акіяна. І ў Грэнландыі вельмі трывожныя тэндэнцыі, паведаміла выданне IFLScience.
Нядаўна навукоўцы выявілі, што гэтыя расколіны пашыраюцца па ўсёй Грэнландыі. Назіранні паказалі, што ў перыяд з 2016 па 2021 год аб’ём расколін значна павялічыўся, асабліва на паўднёвым усходзе ледзянога шчыта. Гэта звязана з паскарэннем раставання лёду праз пацяпленне акіяна.
Часам расколіны схаваныя пад снежнымі мастамі, а іх глыбіня можа дасягаць 100 метраў, асабліва ў зонах, дзе лёд сустракаецца з вадой.
Вучоныя выкарысталі спадарожнікавыя здымкі высокага разрознення для стварэння трохмерных картаў, што дазволіла ацаніць аб'ём і глыбіню расколін, а таксама зразумець, як яны развіваюцца. Вынікі паказалі, што ўразлівыя раёны ледзянога шчыта сталі яшчэ больш нестабільнымі, асабліва з-за павелічэння памеру расколін больш чым на 25% у некаторых сектарах.
Навукоўцы, праўда, высветлілі, што агульны аб’ём расколін на ледзяным шчыце Грэнландыі павялічыўся ўсяго на 4,3%, што стала нечаканым вынікам. Гэта адхіленне ад прагнозаў было кампенсавана ўплывам ледавіка Сермек Куялек, самага хуткага на планеце.
Ён здольны рухацца з хуткасцю амаль 50 метраў у дзень, што істотна ўплывае на ўзровень мора. Аднак пасля запаволення руху ледавіка ў 2016 годзе, праз прыток халоднай вады з Атлантыкі, расколіны на ягонай паверхні пачалі зацягвацца, кампенсуючы агульнае павелічэнне расколін. Тым не менш, ужо ў 2018 годзе ледавік зноў паскорыўся.
Гэтыя назіранні падкрэсліваюць важную ролю расколін у жыццёвым цыкле ледавікоў. Яны не толькі спрыяюць паскарэнню руху ледзянога шчыта, але і дазваляюць талым водам пранікаць у яго глыбіні, што можа прывесці да страты ледавіковай масы і павышэння ўзроўню мора.
Гальфстрым спыняецца? Поўнач Еўропы, у тым ліку і Беларусь, можа ператварыцца ў тундру
Мяжа растала. Швейцарыя і Італія перакройваюць карту з-за леднікоў, што адступілі
Навукоўцы аб'явілі пра прагрэс у адраджэнні маманта. Але навошта яго адраджаць?
Вялізныя могілкі каменнага веку каля палярнага круга здзівілі археолагаў
Цяпер чытаюць
«На такую х**ню павялася». Расіянка прыехала з Сібіры ў Беларусь і цяпер з мацюкамі расказвае, як тут складана жыць21
Каментары
Не адразу ж патоне.
Нейкі час будзе на узбярэжжы.
Можа хто купіць задорага.
Трамп, Маск, дзе *** ледзяны шчыт?!