Свет44

Джэй Дзі Вэнс вырашыў далучыцца да жонкі падчас візіту ў Грэнландыю. На востраве візіт назвалі правакацыяй

Віцэ-прэзідэнт ЗША Джэй Дзі Вэнс у аўторак абвясціў, што вырашыў далучыцца да сваёй жонкі Ушы ў яе паездцы ў Грэнландыю, піша Бі-бі-сі.

Фота: Kent Nishimura / Getty Images

Прэзідэнт Дональд Трамп неаднаразова заяўляў пра жаданне далучыць востраў да ЗША, і мясцовыя чыноўнікі яшчэ да заявы Вэнса назвалі планаваную паездку Ушы, а таксама дарадцы прэзідэнта па нацыянальнай бяспецы Майка Уолтца, правакацыяй.

Белы дом пацвердзіў, што сямейная пара Вэнсаў збіраецца наведаць Грэнландыю, і ўдакладніў, што яны наведаюць амерыканскую ваенна-касмічную базу Пітуфік на поўначы вострава.

У відэа, размешчаным у сетцы X, Джэй Дзі Вэнс жартаўліва растлумачыў, што будучая паездка ягонай жонкі ў Грэнландыю выклікала вялікі ажыятаж, і ён не хоча дапусціць, каб усё задавальненне ад падарожжа дасталася толькі ёй.

Віцэ-прэзідэнт адзначыў, што візіт на базу Пітуфік дасць яму магчымасць праверыць сістэму бяспекі вострава. «Шмат краін пагражаюць Грэнландыі, імкнуцца скарыстацца яе тэрыторыяй і воднымі шляхамі, каб пагражаць ЗША, Канадзе і, вядома, самім грэнландцам», — заявіў Джэй Дзі Вэнс.

Ён дадаў, што адміністрацыя Трампа імкнецца ўзмацніць бяспеку народа Грэнландыі, і што ЗША і Данія нібыта занадта доўга не надавалі гэтаму пытанню належнай увагі.

Амерыканская прэса і самі чыноўнікі на мінулым тыдні паведамілі, што ў бліжэйшыя дні ў Грэнландыю павінны былі прыбыць дзве амерыканскія дэлегацыі: адну мела ўзначаліць жонка віцэ-прэзідэнта Уша Вэнс, у склад другой уваходзяць дарадца прэзідэнта па нацыянальнай бяспецы Майк Уолтц і міністр энергетыкі Крыс Райт.

Паводле звестак The Washington Post, Уша Вэнс планавала знаходзіцца ў Грэнландыі з чацвярга па суботу, з 27 да 29 сакавіка, наведаць мясцовыя славутасці і паглядзець Avannaata Qimussersu — традыцыйную гонку на сабачых запрэжках. Паводле СМІ, візіт Уолца пачнецца яшчэ да прыезду Ушы Вэнс. The New York Times піша, што дарадца Трампа збіраецца падарожнічаць па Грэнландыі разам з міністрам энергетыкі Крысам Райтом.

Інфармацыю пра іх планы пацвердзіла крыніца CBS News, амерыканскага партнёра BBC.

Акрамя таго, Уолц і Райт таксама збіраліся наведаць ваенна-касмічную базу ЗША Пітуфік на поўначы вострава.

Цяпер, згодна з заявай Белага дома, базу наведаюць разам з імі і Вэнсы. Застаючыся на пасадзе прэм’ер-міністр Грэнландыі Мутэ Эгедэ яшчэ да заявы Джэя Дзі Вэнса назваў паездку амерыканскіх высокапастаўленых асобаў правакацыяй.

«Што дарадца па бяспецы робіць у Грэнландыі? Адзіная мэта — прадэманстраваць нам сваю ўладу», — сказаў Эгедэ ў інтэрв’ю выданню Sermitsiaq.

Паводле яго слоў, візіт Уолца «ўзмоцніць веру амерыканцаў у місію Трампа і ўзмоцніць ціск» на востраў.

Енс-Фрэдэрык Нільсен, верагодны будучы лідар аўтаноміі, чыя партыя «Дэмакраатыт» («Дэмакраты») перамагла на нядаўніх выбарах, у інтэрв’ю гэтаму ж выданню абвінаваціў амерыканскіх чыноўнікаў у непавазе да народа Грэнландыі.

Негатыўна на паездку адрэагавалі і ў Даніі (Грэнландыя з’яўляецца яе аўтаноміяй). Міністр замежных спраў каралеўства Ларс Лёкке Расмусэн заявіў, што прыезд амерыканскіх прадстаўнікоў у Грэнландыю з’яўляецца «праблематычным» і дэманструе «непавагу».

Каментары4

  • Andrew
    26.03.2025
    [Рэд. выдалена]
  • З гусі вада
    26.03.2025
    Гнаць адтуль с**нымі майткамі!

    [Зрэдагавана]
  • Ёсік
    26.03.2025
    Здаецца мне, што ён вырашыў быць наступным прэзідэнтам ЗША.

Цяпер чытаюць

Пракурорскі начальнік абурыўся неабгрунтаванымі затрыманнямі беларусаў8

Пракурорскі начальнік абурыўся неабгрунтаванымі затрыманнямі беларусаў

Усе навіны →
Усе навіны

Новы трэнд тыктока: праціраць твар бананавай скуркай. Гэта сапраўды працуе?13

«Нічога не здарыцца з маімі дзецьмі, калі яны не прачытаюць Барто, Маршака, Чукоўскага». Гутарка са стваральніцай блогу «Кніжныя размовы»9

«Інтэр'еры з Pinterest» і «цэны як у Венецыі». У Гродне на месцы знесенага гістарычнага будынка адкрылі даражэнны буцік-гатэль10

З закрытых пратаколаў стала вядома, як Беларусь і Расія дзялілі калійны рынак

Расія ўдарыла ракетай па Крывым Рогу, ужо 14 загінулых12

«Мяне вельмі моцна непакоіць, чыё яно». Гісторыя беларуса, якому ў Польшчы перасадзілі новае сэрца4

Ад БНФ да ГРУ. Хто такая Наталля Судлянкова, якой чэхі загадалі пакінуць краіну55

Журналіст пацвердзіў, што пашпарт прыкрыцця мужа Сямашкі дагэтуль сапраўдны. І ўзяў яго пад кантроль на сайце МУС16

Трамп можа знізіць мыты для Кітая, калі той прадасць TikTok4

больш чытаных навін
больш лайканых навін

Пракурорскі начальнік абурыўся неабгрунтаванымі затрыманнямі беларусаў8

Пракурорскі начальнік абурыўся неабгрунтаванымі затрыманнямі беларусаў

Галоўнае
Усе навіны →

Заўвага:

 

 

 

 

Закрыць Паведаміць