Генеральны сакратар НАТА Марк Рутэ ў Варшаве адзначыў, што трансатлантычны ваенны альянс адкажа на напад супраць любога з хаўруснікаў.
На сумеснай прэс-канферэнцыі з польскім прэм'ер міністрам Дональдам Тускам ён адзначыў, што той, хто «пралічыцца і падумае, што яму сайдзе з рук напад на Польшчу ці іншага хаўрусніка», атрымае жорсткі адказ:
«Наша рэакцыя будзе разбуральнай. Гэта павінна быць зразумела Уладзіміру Уладзіміравічу Пуціну і ўсім, хто хоча напасці на нас», — сказаў ён.
Рутэ ацаніў тое, што Польшча выдаткоўвае на абарону 4,7 адсотка свайго валавога ўнутранага прадукту, што з'яўляецца самым высокім паказчыкам у альянсе.
Таксама ён лічыць, што ў свеце няма іншага аб'яднання, якое захоўвала б Еўропу і Паўночную Амерыку ў бяспецы.
Рутэ сказаў, што Пуцін «не адмовіўся ад сваіх амбіцый па змене глабальнага парадку бяспекі». І падкрэсліў, што моцны трансатлантычны альянс застаецца асновай еўрапейскай бяспекі і што больш моцныя еўрапейскія хаўруснікі з'яўляюцца ўнікальным стратэгічным актывам Злучаных Штатаў, якія дазваляюць Амерыцы, з ягоных слоў, «умацоўваць свет сілай на сусветнай арэне».
-
Расія цяпер не трымае на тэрыторыі Беларусі вялікіх вайсковых сіл — Дзяржпагранслужба Украіны
-
«Рэактыўны шахед урэзаўся ў мой дом». Расіяне спрабавалі кропкавым ударам забіць дарадцу міністра абароны Украіны, спецыяліста па радыётэхналогіях
-
УСУ апублікавалі відэа знішчэння дэсантных караблёў у бухце Севастопаля
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары