Міністэрства адукацыі зацвердзіла тэрміны правядзення ўступнай кампаніі ва ўстановы вышэйшай адукацыі ў 2025 годзе. Адпаведная пастанова №56 ад 26 сакавіка 2025 года апублікавана на Нацыянальным прававым інтэрнэт-партале, піша БелТА.
Асноўныя даты падачы дакументаў:
з 12 па 17 ліпеня — у дзяржаўныя ВНУ (бюджэт і платная аснова);
з 12 па 19 ліпеня — дзённая форма па напрамках «Сельская гаспадарка», «Ветэрынарыя», «Рыбная гаспадарка», «Ахова працы», а таксама вузы сілавых ведамстваў (Акадэмія МУС, Вайсковая акадэмія і інш.);
з 15 лістапада па 5 снежня — завочная форма ў сельскагаспадарчых ВНУ.
Для тых, хто паступае на платнай аснове без уступных іспытаў, дакументы будуць прымацца:
з 12 па 26 ліпеня — ва Універсітэт грамадзянскай абароны МНС;
з 12 ліпеня па 2 жніўня — дзённая форма па аграрных спецыяльнасцях;
з 12 ліпеня па 1 жніўня — у іншых ВНУ;
з 15 лістапада па 5 снежня — завочная форма ў аграрных ВНУ.
Асобныя катэгорыі паступаючых:
з 12 па 14 ліпеня — выпускнікі профільных класаў і ўдзельнікі праграм у Нацыянальным дзіцячым тэхнапарку;
з 27 чэрвеня па 1 ліпеня — пераможцы ВНУ-алімпіяд і ўдзельнікі праграмы «Школа кіравання» пры Акадэміі кіравання.
Уступныя іспыты:
з 18 па 25 ліпеня — у большасці ВНУ;
з 18 па 20 ліпеня — ва Універсітэце грамадзянскай абароны МНС;
з 20 па 21 ліпеня — на ваенным факультэце ГрДУ імя Янкі Купалы;
з 6 па 15 снежня — для завочнай формы ў аграрных ВНУ.
Залічэнне на бюджэт:
2 ліпеня — алімпіяднікі і ўдзельнікі праграмы Акадэміі кіравання;
да 22 ліпеня — у ВНУ сілавых структур;
да 27 ліпеня — у іншыя дзяржаўныя ВНУ;
да 20 снежня — для завочнай формы ў аграрных ВНУ.
Залічэнне на платнай аснове:
да 3 жніўня — дзённая форма;
да 20 снежня — завочная форма ў аграрных ВНУ.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары