Урад вызначыў самыя ўпарадкаваныя населеныя пункты Беларусі па выніках 2024 года, падзяліўшы ўсіх удзельнікаў на пяць катэгорый паводле велічыні і статусу.
У першай катэгорыі найлепшым населеным пунктам прызналі Магілёў.
З населеных пунктаў другой катэгорыі пераможцамі сталі Наваполацк і Кобрын.
У лік самых упарадкаваных населеных пунктаў трэцяй катэгорыі ўвайшлі Валожын, Бяроза і Жабінка.
У чацвёртай групе адзначыліся Чэрыкаў, Бешанковічы, Мядзел і Петрыкаў.
Урэшце, апошняя катэгорыя, прадстаўленая аграгарадкамі і вёскамі, уключае ў сябе вёску Ляскавічы Іванаўскага раёна; аграгарадок Белавежскі Камянецкага раёна, аграгарадок. Мазалава Віцебскага раёна, аграгарадок Лужкі Шаркаўшчынскага раёна, аграгарадок Верамейкі Чэрыкаўскага раёна.
Пераможцаў узнагародзяць пераходным вымпелам і грашовымі прэміямі за кошт сродкаў рэспубліканскага бюджэту. Магілёў, напрыклад, атрымае 8000 базавых велічынь (336 тысяч рублёў).
Акрамя мясцовасцяў, прызнаных пераможцамі, адзначылі таксама значны ўклад у павышэнне ўзроўню ўпарадкаванасці тэрыторый у гарадах Клімавічы, Бабруйск, Полацк, Пружаны, Мазыр, Нясвіж, Жыткавічы, гарадскім пасёлку Акцябрскі, аграгарадках Друя Браслаўскага раёна, Олтуш Маларыцкага раёна і Моталь Іванаўскага раёна.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары
Таму "конкурс" такое сабе.
Калі б да астатніх вёсак такія ж грошы даходзілі...