Пасажыры, што едуць аўтобусамі з Варшавы, могуць спазняцца на 12 гадзін
Пра гэта папярэджвае Мінсктранс.
«У сувязі з працяглым праходжаннем дзяржаўных межаў Беларусі і Польшча адпраўленне аўтобуса Варшава — Мінск адбылося ў 7:00 29.04.2025. У першую чаргу пасадку будуць ажыццяўляць пасажыры з квіткамі на 16:30 28.04.2025, затым — на 21:00, 23:00 28.04.2025 і 7:00 29.04.2025 пры наяўнасці свабодных месцаў. Аўтобус АХ8846-7», — гаварылася ў ранішнім паведамленні.
У сваю чаргу на выезд у Польшчу на пераходзе «Брэст» па стане на 6:00 раніцы стаяць 95 аўтобусаў і 1550 легкавых аўтамабіляў.
На літоўскай мяжы чэргаў — аўтамабільных і аўтобусных — няма. Але ад'езд аўтобуса Каўнас — Мінск запланаваны на 17:30 пераносіцца на 18:30.
А аўтобус Вільня — Мінск адпраўленнем са сталіцы Літвы а 8-й раніцы па стане на 08:00 стаіць на нейтральнай тэрыторыі ў бок Літвы.
Каментары