Валянцін паказаў, як выглядаюць пад’езд і кватэра (яшчэ, на шчасце, без чыставога аздаблення) у «Зялёнай гавані» пасля суботняга дажджу. Як распавядае мужчына, на відэа — нядаўна здадзены дом па вул. Лавандавай, 7, піша Onliner.by.
У кватэры па сценах цякла вада, у будучым жылым пакоі на падлозе ўтварылася шырокая лужына.
У пад’ездзе і тамбуры відаць падцёкі над ліфтам, разводы па сценах, на падлозе таксама шмат вады.
— Звярталіся да забудоўшчыка або ў абслугоўваючую арганізацыю?
— Звярталіся: кажуць, што рамантуюць, потым дакладваюць, маўляў, усё выпраўлена, але пры наступным дажджы ўсё пачынаецца зноў, — скардзіцца Валянцін.
Мужчына адзначае: такая ж праблема ўжо на працягу паўгода пераследуе дом па адрасе вул. Сярэбраны лес, 7.
Вось што распавялі Onlíner у кампаніі «А-100»:
— Як толькі мы даведаліся пра праблему, на месца выехала брыгада для абследавання даху і пошуку месца праточвання. Мы высветлілі: цэласнасць даху ў доме №4.2 (гэта нумар сіціхауса, гаворка ідзе пра будынак па вул. Сярэбраны лес, 7) не была парушана — сітуацыя ўзнікла з-за жалюзі на вентыляцыйнай шахце. Мы зменім канструкцыю ламеляў, каб такія сітуацыі не паўтараліся. Таксама мы выканаем усе неабходныя рамонтныя работы ў найкарацейшыя тэрміны.
Што датычыцца сітуацыі ў доме 4.6 (вул. Лавандавая, 7), пытанне звязана з засорам ліўневай каналізацыі, таму, на жаль, і адбылося заліванне. Мы прыкладаем усе намаганні, каб ліквідаваць наступствы. На дадзены момант арганізаваны дадатковы кантроль якасці, каб падобнае не паўтаралася. Мы цэнім давер жыхароў і адкрытыя да дыялогу.
Каментары