У Віцебскім раёне ратавальнікі шукаюць 15‑гадовую дзяўчынку. Разгорнуты маштабны пошук
На пошукі падлетка выйшлі 124 чалавекі, 24 адзінкі тэхнікі.
Сёння ратавальнікам ад супрацоўнікаў міліцыі паступіла паведамленне аб згубленай дзяўчынцы 2010 года нараджэння паблізу вёскі Гаркава Віцебскага раёна.
У цяперашні час на месцы здарэння створаны аператыўны штаб. На пошукі падлетка выйшлі 24 адзінкі тэхнікі і 124 чалавекі, з іх 15 адзінак тэхнікі і 82 работнікі МНС.
Пошукі арганізаваны з прыцягненнем спецыяльнай тэхнікі выратавальнага ведамства, уключаючы квадрацыклы і беспілотныя лятальныя апараты.
Сваякам дзяўчынкі аказваецца дапамога псіхалагічнай службы МНС.
Пры якіх абставінах згубілася дзяўчынка і іншыя акалічнасці не паведамляюцца.
Каментары