У Мінінфарме прапанавалі Расіі абменьвацца спісамі экстрэмісцкай літаратуры
Падчас пленарнага пасяджэння XX Санкт-Пецярбургскага міжнароднага кніжнага салона намеснік міністра інфармацыі Беларусі Дзяніс Язерскі заявіў, што Беларусі і Расіі варта аб’яднаць намаганні для барацьбы з распаўсюджваннем кніг, якія, на ягоную думку, могуць аказваць негатыўны ўплыў на грамадства, асабліва на дзяцей і моладзь.
Чыноўнік падкрэсліў, што краіны-союзніцы павінны, маўляў, цесна супрацоўнічаць у супрацьстаянні ідэйным апанентам і не дапускаць з’яўлення выданняў, што нясуць разбуральны маральны, псіхалагічны і культурны ўплыў.
Пры гэтым, паводле слоў Дзяніса Язерскага, у Беларусь часта трапляюць перакладныя кнігі расійскіх выдавецтваў, змест якіх «супярэчыць мэтам духоўна-маральнага выхавання».
Як адзін з варыянтаў рашэння гэтай праблемы Язерскі прапанаваў арганізаваць узаемны абмен спісамі экстрэмісцкай літаратуры паміж дзвюма краінамі.
Каментары
Ну, если в Москве начнуть составлять списки экстремистской литературы для Беларуси, то, от Беларуси и Беларусов, останется только большая семья лукашенко и его скотный двор.