На абедзе Лукашэнкі і Сі Цзіньпіна прысутнічала і адзіная дачка кітайскага лідара
Падчас візіту ў Кітай 2-4 чэрвеня з Лукашэнкам быў і яго малодшы сын Мікалай.
Першы віцэ-прэм'ер Мікалай Снапкоў расказаў пра некаторыя дэталі сустрэчы Аляксандра Лукашэнкі і лідара Кітая Сі Цзіньпіна.
«На працоўнай сустрэчы таварыш Сі Цзіньпін сказаў фразу, я проста яе паўтару. «Мой сябар, у нас з табой асаблівыя адносіны, таму і абед у нас будзе сямейным. І ўпершыню ў гісторыі на гэтым сямейным абедзе, у такім ключы, з замежным лідарам, будзе прысутнічаць мая дачка», — прывёў словы кітайскага лідара Снапкоў у перадачы на БТ.
На тым абедзе была таксама жонка Сі Цзіньпіна — спявачка і актрыса Пэн Ліюань.
«Сустрэча была фантастычная», — дадаў беларускі чыноўнік.
Дачка Сі Цзіньпіна — 32-гадовая Сі Мінцзэ — яго адзінае дзіця. Вучылася ў Гарвардскім універсітэце.
Падчас візіту ў Кітай з Лукашэнкам быў і яго малодшы сын Мікалай. Ці прысутнічаў ён на абедзе ў Сі, не паведамлялася.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м99
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1414
Каментары