Следчы камітэт наклаў арышт на кватэру грамадскага актывіста Дзмітрыя Карняенкі, які родам з Оршы, але доўгі час жыў у Віцебску. Паведамленне пра арышт, зроблены 29 траўня 2025 года па рашэнні Віцебскага гарадскога аддзялення Следчага камітэта, прыйшло на аршанскі адрас яго бацькі, піша «Віцебская вясна».
Дзмітрый Карняенка ўжо некалькі гадоў знаходзіцца ў вымушанай эміграцыі, але працягвае займацца грамадскай дзейнасцю: у прыватнасці, выносіць на публіку праблемы камунальнай сферы ў Оршы і Віцебску.
Ён таксама неаднаразова звяртаўся ў сілавыя структуры і пракуратуру з патрабаваннем праверыць некаторыя інтэрнэт-старонкі, дзе, на яго думку, прысутнічаюць прыкметы экстрэмізму. Гаворка ішла пра старонкі людзей, набліжаных да ўлады — напрыклад, жонкі кіраўніка аблвыканкама, дырэктаркі музея і г. д. Міліцыя, аднак, на гэтыя звароты не рэагуе.
У 2025 годзе Дзмітрыя двойчы прызналі ўдзельнікам «экстрэмісцкіх фармаванняў». Спачатку — за ўдзел у праекце «Хрысціянская візія», які займаецца фіксацыяй рэлігійных і палітычных рэпрэсій у Беларусі. У канцы красавіка яго таксама ўключылі ў спіс за сувязь з ініцыятывай «Народны дэпутат», якая была прызнаная «экстрэмісцкай».
Цяпер чытаюць
Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё2
Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары