Прайшоў другі этап расійска-ўкраінскага абмену ваеннапалоннымі. Абмянялі і аднаго беларуса
Расія і Украіна правялі чарговы абмен палоннымі па прынцыпе «ўсіх на ўсіх». Гэты другі этап абмену, пры які дамовіліся на апошніх перамовах у Стамбуле, традыцыйна адбыўся на тэрыторыі Беларусі. Сярод абмененых ёсць і адзін беларус.
Абмен пацвердзілі абодва бакі — і Каардынацыйны штаб Украіны, і Міністэрства абароны Расіі. Аднак дакладная колькасць вызваленых падчас гэтага этапу пакуль не называецца. Першая частка абмену прайшла 9 чэрвеня.
Прэзідэнт Украіны Зяленскі адзначыў, што вяртаюць пераважна цяжкапараненых і параненых салдат, якім патрэбна тэрміновая меддапамога. Сярод вызваленых — прадстаўнікі розных вайсковых фармаванняў Украіны.
Расійскае Міністэрства абароны паведаміла, што другая група расійскіх вайскоўцаў ужо вярнулася на тэрыторыю Беларусі, дзе ім аказваюць неабходную псіхалагічную і медыцынскую дапамогу.
Пры гэтым у украінскім праекце «Хачу жыць» расказалі «Радыё Свабода», што сярод перададзеных расійскаму боку ёсць грамадзянін Беларусі — Яўген Камянькоў з Бабруйска, які з вясны 2024 года быў ва ўкраінскім палоне. Яго раней абвяшчалі ў вышук у Беларусі пасля ўцёкаў з манастыра ў Расію разам з 13-гадовым хлопчыкам.
Ва ўкраінскі палон трапіў яшчэ адзін беларус, які ваяваў у складзе расійскай арміі
Ва Украіне пацвердзілі: беларус, якога вышуквалі ў Брэсце з 2022 года, мае статус ваеннапалоннага
Расія і Украіна правялі першы этап новага абмену ваеннапалоннымі — узростам да 25 гадоў
Расіяне выразалі на целе ўкраінскага палоннага словы «Слава Расіі»
На Шры-Ланцы ў 37 гадоў памёр беларускі кінапрадзюсар Андрэй Маталыга4
Каментары