Міністэрства замежных спраў Беларусі зрабіла заяву ў сувязі з абвастрэннем сітуацыі на Блізкім Усходзе.
«Рэспубліка Беларусь выказвае глыбокую заклапочанасць новым вітком ваеннай эскалацыі паміж Ізраілем і Іранам, а таксама паведамленнямі аб гібелі мірных жыхароў, у тым ліку дзяцей. Сілавы сцэнарый урэгулявання канфлікту ўяўляе сур’ёзную пагрозу для рэгіянальнай стабільнасці і бяспекі, нясе рызыку гуманітарнай катастрофы і можа мець непрадказальныя глабальныя наступствы», — гаворыцца ў заяве МЗС.
«Заклікаем усе бакі, уцягнутыя ў канфлікт, да стрыманасці, адказнасці і недапушчэння дзеянняў, якія могуць негатыўна паўплываць на палітычна-дыпламатычныя намаганні міжнароднай супольнасці, накіраваныя на ўсёабдымнае ўрэгуляванне сітуацыі на Блізкім Усходзе», — зазначаюць у Міністэрстве.
МЗС настойліва рэкамендуем грамадзянам Беларусі «ўлічваць бягучую сітуацыю, старанна ўзважваць неабходнасць паездак у краіны, што ўваходзяць у зону канфлікту, а таксама пры іх планаванні сачыць за афіцыйнымі паведамленнямі авіяцыйных уладаў аб магчымым увядзенні абмежаванняў на выкарыстанне паветранай прасторы шэрагу краін, а таксама аб прыпыненні працы аэрапортаў»
Грамадзян Беларусі, якія знаходзяцца ў рэгіёне, заклікаюць строга выконваць меры бяспекі і кіравацца рэкамендацыямі ўладаў краіны знаходжання.
***
Сёння ноччу Ізраіль нанёс удар па Іране. Улады краіны заявілі, што атакавалі іранскую ядзерную праграму. Былі забітыя камандуючы Корпусам вартавых ісламскай рэвалюцыі і начальнік Генштаба арміі Ірана, а таксама некалькі фізікаў-ядзершчыкаў. Іран у адказ запусціў некалькі дзясяткаў беспілотнікаў у Ізраіль, якія былі збітыя на падлёце да Ізраіля.
Ізраіль нанёс удары па Іране. Загінулі кіраўнік Корпуса вартавых ісламскай рэвалюцыі і начальнік Генштаба арміі Ірана
Вярхоўны лідар Ірана пагражае Ізраілю наступствамі
Ізраільскія СМІ: ядзерны рэактар у іранскім Натанзе знішчаны дашчэнту
Ізраільскія СМІ: ядзерны рэактар у іранскім Натанзе знішчаны дашчэнту
Чым вядомы Хасейн Саламі — камандуючы, які загінуў падчас ізраільскага ўдару
Цяпер чытаюць
Пра што маўчыць Аляксей Францкевіч, якому Польшча закрыла ўезд на 10 гадоў48
Каментары