Вырашыў праскочыць перакрыжаванне на вялікай хуткасці і ледзь не збіў дзіця
У Брэсце супрацоўнікі ДАІ з дапамогай камер відэаназірання высветлілі асобу кіроўцы, які на вялікай хуткасці праехаў на забараняльны сігнал і ледзь не збіў дзіця. Вось які штраф ён атрымаў, піша Onliner.by.
— Пры правядзенні экспертызы па вызначэнні хуткасці руху аўтамабіля было ўстаноўлена, што кіроўца рухаўся з хуткасцю 115 км/г у населеным пункце, дзе дазволеная хуткасць не больш за 60 км/г, — распавялі ў ДАІ і дадалі, што за рулём быў 31-гадовы мужчына.
Паведамляецца, што ён прыцягнуты да адміністрацыйнай адказнасці паводле ч. 12 арт. 18.13 КаАП (штраф 420 рублёў з пазбаўленнем права кіравання на 12 месяцаў), а таксама паводле ч. 4 арт. 18.12 КаАП (штраф 336 рублёў).
Каментары