Паказаныя аскепкі «Арэшніка», якім Расія сёння ноччу атакавала Украіну
Служба бяспекі Украіны ўстанавіла месцазнаходжанне аскепкаў расійскай балістычнай ракеты, якой Расія ўдарыла па Львоўшчыне ў ноч на 9 студзеня.
Паводле папярэдняй інфармацыі, знойдзеныя камплектуючыя належаць да ракетнага комплексу «Арэшнік».
Сярод ужо выяўленых дэталяў:
- блок стабілізацыі і навядзення (фактычна «мозг» ракеты);
- запчасткі з рухавічнай устаноўкі;
- фрагменты механізму арыентацыі;
- соплы з платформы блока развядзення і іншае.
Адпаведныя аскепкі маюць статус рэчавых доказаў і рыхтуюцца да перадачы на паглыбленыя экспертызы.
Следчыя СБУ кваліфікуюць прымяненне гэтай зброі па цывільнай інфраструктуры Украіны як ваеннае злачынства з боку РФ.
Паводле папярэдніх даных, вораг ажыццявіў пуск ракеты «Арэшнік» сярэдняй дальнасці класа «зямля — зямля» з расійскага палігона «Капусцін Яр».
Атакуючы цывільныя аб’екты Украіны паблізу мяжы з Еўрасаюзам, Крэмль спрабаваў знішчыць інфраструктуру жыццезабеспячэння рэгіёна ва ўмовах рэзкага пагаршэння надвор’я, паведамляе СБУ.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца5
Каментары