Грамадства66

Актывіст з Беластока, які цішком вярнуўся ў Беларусь, быў у кіраўніцтве «Народнай грамады»

Анатоль Вайцяхоўскі — гэта ўжо трэці сябар партыі, які пры дзіўных абставінах раптоўна едзе на радзіму, не папярэдзіўшы нікога.

Анатоль Вайцяхоўскі. Скрыншот: БТ

Рэдактар колішняй баранавіцкай газеты «Шаг» Анатоль Вайцяхоўкі, які ўляпаўся ў скандал з прапагандысцкім фільмам «Чужое неба», а пасля смерці свайго суседа-шпіёна Уладзіміра Усера вярнуўся ў Беларусь, паўгода назад быў абраны ў рэвізійную камісію партыі «Народная грамада».

Пра гэта паведаміў былы палітвязень Сяргей Спарыш, які ўдзельнічае ў барацьбе за лідарства ў партыі.

Чытайце: Беласток на вушах праз знікненне актывіста Вайцяхоўскага, суседа памерлага шпіёна Усера. А той цішком вярнуўся ў Беларусь

«Верагодна, варта чакаць новых прапагандысцкіх перадач — карацей, як з Цішкевіч. Вайцяхоўскі паўгода таму быў уключаны ў рэвізійную камісію «Народнай грамады» Вільскага. Прытым што пытанні да яго ўзнікалі яшчэ некалькі гадоў таму», — напісаў Спарыш.

Ён не стаў дзяліцца дадатковай інфармацыяй, аднак параіў «Нашай Ніве» пісаць старшыню «Народнай грамады» Яўгену Вільскаму. Зрэшты, на гэтым кола замкнулася, бо Вільскі, у сваю чаргу, папрасіў звяртацца па каментары да Спарыша.

Рэвізійная камісія — кантрольны орган «Народнай грамады». Камісія збіраецца мінімум раз на год, рыхтуе справаздачу для з'езда партыі. Яе сябры абіраюцца галасаваннем і, згодна са статутам, правяраюць дзейнасць партыі.

Спарыш у сваім допісе згадвае Вольгу Цішкевіч — яна некалі ўзначальвала магілёўскае аддзяленне «Народнай грамады», у 2022 годзе выехала ў эміграцыю. Калі «Кіберпартызаны» ўзламалі сайт КДБ і апублікавалі размешчаную базу даносаў, то знайшоўся і данос ад Цішкевіч, якая прасіла «прыняць меры» ў адносінах блогера Эдуарда Пальчыса. У выніку скандала Цішкевіч цішком вярнулася ў Беларусь і раздавала інтэрв’ю прапагандыстам.

Услед паехаў у Беларусь і яшчэ адзін сябар «Народнай грамады», Павел Бялюцін. Ён у свой час уцёрся ў давер да Міколы Аўтуховіча — і напісаў на яго данос у КДБ.

Цяпер тым жа шляхам рушыў і Анатоль Вайцяхоўскі. Перад гэтым ён уляпаўся ў здымкі прапагандысцкага фільма БТ. За 50 еўра Вайцяхоўскі і яго сусед Уладзімір Усер запісалі відэа, у якім расказалі пра ўсе мінусы жыцця ў замежжы.

Польскія спецслужбы абвінавацілі Усера ў шпіянажы, аднак па стане здароўя не сталі арыштоўваць. Неўзабаве пасля гэтага ён памёр. На наступны дзень пасля смерці былога суседа Вайцяхоўскі, які нібыта падрадзіўся арганізоўваць пахаванне, знік.

Вайцяхоўскі прызнаваўся сябрам, што падумвае звяртацца ў «камісію па вяртанні» генеральнага пракурора Андрэя Шведа.

«Народная грамада» пад кіраўніцтвам Яўгена Вільскага спрабуе выставіць сябе альтэрнатывай Офісу Святланы Ціханоўскай, раз за разам стварае адпаведныя ініцыятывы — блок «Салідарнасць», «Мемарандум», Беларуская нацыянальная кааліцыя.

На выбарах у Каардынацыйную раду ў 2024 годзе блок «Салідарнасць», у які ўваходзілі «Народная грамада» і БХД, заняў перадапошняе месца — 1,55%. Апошняе месца было ў іх жа паплечнікаў з «Краіны для жыцця» паліграфолага Віталя Савюка.

Каментары6

  • Лео
    09.01.2026
    На этой Грамадзе кто только не оттоптался
  • Найбольш інфільтраваная партыя
    09.01.2026
    - "Народная Грамада".
  • Гарамбуш
    09.01.2026
    Лёлік з-пад Лімасола, наогул «Неабыякавыя» и Народная грамада вельмі цесна звязаныя.

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць