У Мінску знікла пенсіянерка. Аказалася, што яна па просьбе «следчых» стала кур’ерам махляроў
І забрала ў іншай жанчыны $15 тысяч.
У сталічную міліцыю са зваротам аб знікненні чалавека звярнулася маладая мінчанка: яе 61-гадовая маці вечарам не вярнулася дадому і перастала выходзіць на сувязь, паведамляе «Міліцыя Мінска».
У тэлефоне пенсіянеркі, які яна пакінула ў кватэры, былі знойдзены міжнародныя званкі і перапіска з незнаёмцамі, якія прадстаўляліся жанчыне супрацоўнікамі Следчага камітэта і Нацыянальнага банка. Далейшыя аператыўна-вышуковыя мерапрыемствы пацвердзілі, што мінчанка кантактавала з тэлефоннымі махлярамі.
Яны пераканалі жанчыну, што яна лічыцца саўдзельніцай злачынства і таму павінна безумоўна выконваць іх патрабаванні. Тады пенсіянерка, сама таго не разумеючы, пагадзілася стаць кур’ерам злачынцаў.
На таксі яна паехала, дзе забрала ў незнаёмай жанчыны 15 тысяч даляраў ЗША і 2 тысячы еўра.
А потым купіла квіток на цягнік і тым жа вечарам адвезла грошы ў суседнюю краіну, дзе аддала пакет з наяўнымі яшчэ аднаму пасярэдніку.
Вядома, што мінчанка працуе ў сферы пасажырскіх перавозак і неаднаразова бачыла ў метро прафілактычную рэкламу пра махлярства, аднак да апошняга не разумела, што сама стала часткай злачыннай схемы.
Заведзена крымінальная справа.
Міліцыя нагадвае: калі вас просяць аказаць дапамогу ахвярам махляроў і забраць у іх наяўныя, каб перадаць кур’еру або пакласці на замежны рахунак — будзьце ўпэўненыя, што гэта злачынцы. Неадкладна паведамляйце пра такія факты ў міліцыю.
Цяпер чытаюць
«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі10
Каментары