У Заслаўі тратуары ператварыліся ў коўзанку. Камунальнікі разводзяць рукамі
На мінулым тыдні надвор’е ў Беларусі рэзка памянялася: адліга з мокрым снегам хутка саступіла месца моцным маразам. У выніку дарогі і асабліва тратуары ў Заслаўі пакрыліся суцэльным лёдам. Жыхары пачалі скардзіцца, што па некаторых вуліцах амаль немагчыма бяспечна хадзіць. Людзей цікавіць, чаму лёд не зразаюць тэхнікай і чаму амаль не відаць супрацьгалалёдных сродкаў, піша газета «Прысталічча».
Журналісты наведалі некалькі праблемных месцаў. Асабліва небяспечна каля чыгуначнага вакзала з боку вуліцы Зялёнай, дзе дарога ператварылася ў слізкі спуск. На вуліцы Дзяржынскага і ўздоўж тратуара з боку вуліцы Усходняй хадзіць практычна немагчыма — частка людзей вымушаная выходзіць на праезную частку, што стварае рызыку трапіць пад аўтамабіль.
Тратуары пакрытыя шчыльнай ледзяной скарынкай, якая ўтварылася пасля замярзання вільгаці. Нават там, дзе раней рабілі пасыпку, памагло гэта слаба.
У «Мінрайгаррамаўтадары» патлумачылі, што праблема не ў адсутнасці апрацоўкі, а ў складаных умовах надвор’я.
Пасля дажджоў і адлігі вада замерзла пры тэмпературы да -17°C, утварыўшы маналітны лёд. Пры такіх маразах соль амаль не дзейнічае, таму цяпер выкарыстоўваюць пясок, каб стварыць шурпатасць. Аднак гэты спосаб менш эфектыўны.
Актыўная барацьба з галалёдам стане магчымай, калі тэмпература павысіцца і рэагенты зноў пачнуць працаваць.
Што да механічнага зразання лёду, то цяжкая тэхніка можа пашкодзіць пакрыццё тратуараў і зрабіць сітуацыю яшчэ больш небяспечнай. Дарожныя службы адзначаюць, што працуюць у ўзмоцненым рэжыме: асноўныя сілы накіраваныя на галоўныя магістралі, а тэхніка часткова задзейнічаная і ў іншых населеных пунктах раёна.
Спецыялісты прызнаюць, што сітуацыя складаная, і просяць жыхароў быць асцярожнымі, пакуль надвор’е не стане больш спрыяльным. Пешаходам раяць насіць абутак з няслізкай падэшвай і быць максімальна ўважлівымі.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў34
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары