Эндру Маунтбетэн-Віндзар арыштаваны па падазрэнні ва злоўжыванні на дзяржаўнай службе, паведамляе Бі-бі-сі.
«У рамках расследавання мы сёння арыштавалі шасцідзесяцігадовага мужчыну з Норфалка па падазрэнні ў неналежных паводзінах на дзяржаўнай службе і праводзім ператрусы па адрасах у Беркшыры і Норфалку. Зараз мужчына застаецца пад вартай у паліцыі. У адпаведнасці з нацыянальным заканадаўствам, мы не будзем называць імя арыштаванага», — гаворыцца ў прэс-рэлізе брытанскай паліцыі.
Бі-бі-сі зазначае, што маецца на ўвазе былы прынц Эндру.
Былы прынц Эндру прымаў Джэфры Эпштэйна і амерыканскага прадзюсара Харві Вайнштэйна, таксама асуджанага за сэксуальныя злачынствы, у сваёй рэзідэнцыі ў Віндзоры ў 2006 годзе.
Эндру быў вымушаны адмовіцца ад выканання афіцыйных абавязкаў члена каралеўскай сям'і ў 2019 годзе з-за скандалу, выкліканага справай Эпштэйна. Гэта адбылося пасля таго, як амерыканка Вірджынія Джуфрэ выступіла з абвінавачваннямі супраць прынца, заявіўшы, што ён быў адным з мужчын, з якімі яе прымушалі займацца сэксам у 17‑гадовым узросце.
У сваёй кнізе Nobody's Girl («Нічыя дзяўчынка») Джуфрэ згадвае пра тры выпадкі сэксуальных адносін з членам брытанскай сям'і і абвінавачвае прынца ў тым, што той лічыў сэкс з ёй «правам па нараджэнні». Кніга была апублікаваная праз паўгода пасля таго, як Джуфрэ скончыла жыццё самагубствам.
У канцы 2025 года прынц Эндру быў пазбаўлены тытула і пакінуў сваю рэзідэнцыю ў Віндзарскім замку. Цяпер яго завуць Эндру Маунтбетэн-Віндзар.
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары