ЗША прывялі войскі на Блізкім Усходзе ў павышаную гатоўнасць пасля экстраннай нарады Трампа з генераламі
Узмоцненыя меры бяспекі закранулі, у прыватнасці, базы ў Аб’яднаных Арабскіх Эміратах, Іярданіі і Саудаўскай Аравіі. На Блізкім Усходзе знаходзіцца больш за 40 тысяч амерыканскіх вайскоўцаў.
Амерыканскія войскі, размешчаныя на базах па ўсім Блізкім Усходзе, былі прыведзены ў стан павышанай баявой гатоўнасці неўзабаве пасля таго, як прэзідэнт ЗША Дональд Трамп правёў экстранную нараду ў Белым доме з вышэйшым ваенным камандаваннем і дарадцамі па нацыянальнай бяспецы.
Як паведамляе The New York Times са спасылкай на інфармаваныя крыніцы, абмеркаванне тычылася магчымасці ўдзелу ЗША ў ударах па іранскіх ядзерных аб’ектах, у тым ліку па аб’екце ў Фардо, на фоне эскалацыі канфлікту паміж Ізраілем і Іранам.
Узмоцненыя меры бяспекі закранулі, у прыватнасці, базы ў Аб’яднаных Арабскіх Эміратах, Іарданіі і Саудаўскай Аравіі. Агулам на Блізкім Усходзе знаходзіцца больш за 40 тысяч амерыканскіх вайскоўцаў.
Як падкрэслівае выданне, сярод найбліжэйшых дарадцаў прэзідэнта няма адзінай думкі наконт неабходнасці удараў па Іране.
Пры гэтым, згодна з заявамі амерыканскіх афіцыйных асоб, знаёмых з разведданымі, Тэгеран прывёў у гатоўнасць ракеты і іншую ваенную тэхніку, здольную атакаваць амерыканскія базы ў рэгіёне. Гэтыя меры разглядаюцца іранскім бокам як крок у адказ на магчымыя дзеянні ЗША на баку Ізраіля ў канфлікце.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары