ZŠA pryviali vojski na Blizkim Uschodzie ŭ pavyšanuju hatoŭnaść paśla ekstrannaj narady Trampa z hienierałami
Uzmocnienyja miery biaśpieki zakranuli, u pryvatnaści, bazy ŭ Abjadnanych Arabskich Emiratach, Ijardanii i Saudaŭskaj Aravii. Na Blizkim Uschodzie znachodzicca bolš za 40 tysiač amierykanskich vajskoŭcaŭ.
Amierykanskija vojski, raźmieščanyja na bazach pa ŭsim Blizkim Uschodzie, byli pryviedzieny ŭ stan pavyšanaj bajavoj hatoŭnaści nieŭzabavie paśla taho, jak prezident ZŠA Donald Tramp pravioŭ ekstrannuju naradu ŭ Biełym domie z vyšejšym vajennym kamandavańniem i daradcami pa nacyjanalnaj biaśpiecy.
Jak paviedamlaje The New York Times sa spasyłkaj na infarmavanyja krynicy, abmierkavańnie tyčyłasia mahčymaści ŭdziełu ZŠA ŭ udarach pa iranskich jadziernych abjektach, u tym liku pa abjekcie ŭ Fardo, na fonie eskałacyi kanfliktu pamiž Izrailem i Iranam.
Uzmocnienyja miery biaśpieki zakranuli, u pryvatnaści, bazy ŭ Abjadnanych Arabskich Emiratach, Iardanii i Saudaŭskaj Aravii. Ahułam na Blizkim Uschodzie znachodzicca bolš za 40 tysiač amierykanskich vajskoŭcaŭ.
Jak padkreślivaje vydańnie, siarod najbližejšych daradcaŭ prezidenta niama adzinaj dumki nakont nieabchodnaści udaraŭ pa Iranie.
Pry hetym, zhodna z zajavami amierykanskich aficyjnych asob, znajomych z raźvieddanymi, Tehieran pryvioŭ u hatoŭnaść rakiety i inšuju vajennuju techniku, zdolnuju atakavać amierykanskija bazy ŭ rehijonie. Hetyja miery razhladajucca iranskim bokam jak krok u adkaz na mahčymyja dziejańni ZŠA na baku Izraila ŭ kanflikcie.
Kamientary