Ваенга, Лазараў і Аверын. На чые выступленні на «Славянскім базары» ўжо раскупілі квіткі
У пачатку ліпеня ў Віцебску пачнецца штогадовы «Славянскі базар» — для дзяцей і для дарослых будуць выступаць тыктокеры, музыкі і артысты пераважна з Расіі і Беларусі. На канцэрты і спектаклі некаторых ужо распрадалі ўсе квіткі.
Адкрыццё «Славянскага базару» адбудзецца ўвечары 10 ліпеня. Квіткі на яго прадавалі за 70-250 рублёў, але свабодных месцаў ужо не засталося.
Тое ж датычыцца і цырымоніі закрыцця — квіткоў па 55-185 рублёў больш няма.
Солд-аўты ўжо і на канцэртах расійскай шансон-спявачкі Алены Ваенгі і поп-музыкі Сяргея Лазарава, які выступіць разам з групай балету і з фанаграмай.
Не атрымаецца патрапіць і на монаспектакль расійскага артыста Максіма Аверына «Навучы мяне жыць». Абяцаюць, што там будзе «паўнавартаснае тэатральнае дзеянне» з музыкай, відэа і паэзіяй.
Не засталося квіткоў на спектаклі ад расійскіх тэатраў «Ізергіль», «Пяць вечароў» і «Мёртвыя душы».
Адзіная беларуская пастаноўка, на якую ўжо не патрапіць, — «Жаніцьба» па Гогалі ад Беларускага дзяржаўнага тэатру юнага гледача.
Ужо не атрымаецца набыць і квіткі да грузінскага гурта Bravo Metehi, выступ якога запланаваны на 9 ліпеня. У сваёй творчасці музыкі камбінуюць фальклорныя і эстрадныя стылі, спяваюць на грузінскай мове. У лістападзе 2020 года гурт выпусціў рускамоўны кавер на «Белавежскую пушчу».
Сярод іншых мерапрыемстваў, куды запрашаюць арганізатары, ёсць выступ «Зорак тыктоку» (у тым ліку Дзім Дзімыча і блогера Кабякова). Уваход туды будзе каштаваць ад 40 да 75 рублёў.
Канцэрты расійскіх артыстаў (Стаса Міхайлава, Вольгі Бузавай, Алега Маямі і іншых) абыдуцца ў 75-155 рублёў.
Тэатральныя пастаноўкі будуць таннейшымі: ад 18 да 65 рублёў. Дарэчы, дзве з іх пройдуць беларускай мове — «Кацёл з каменьчыкамі» па Уладзіміры Караткевічы і «Дзюймовачка» па Гансе Хрысціяне Андэрсане ад віцебскага тэатра «Лялька».
Паслухаць у Віцебску можна будзе і 21-гадовую Насцю Краўчанка — поп-спявачку, якая прадставіць Беларусь на «Інтэрбачанні» (музычны конкурс, створаны ў адказ на «Еўрабачанне»).
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
-
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
Цяпер чытаюць
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак28
Каментары