Хлопчыка, якога неадэкватны беларус кінуў на падлогу ў маскоўскім аэрапорце, рыхтуюцца вывесці з комы
Паўтарагадовага Мухамада з Афганістана, якога беларус Уладзімір Віцікаў пад уздзеяннем алкаголю і наркотыкаў кінуў на падлогу ў маскоўскім аэрадроме «Шарамеццева», рыхтуюцца вывесці з медыкаментознай комы, паведамляе тэлеграм-канал 112.
Лекары цэнтра Рашаля патроху зніжаюць дазіроўкі седатыўных прэпаратаў, але не спяшаюцца — арганізм малога павінен да абуджэння адужаць. У цэлым медыкі выказваюць асцярожны аптымізм.
Бацькі Мухамада пастаянна знаходзяцца разам з сынам. Кажуць, што дапамога ім не патрэбная, усяго хапае, але просяць неабыякавых маліцца за больш хуткае выздараўленне іх дзіцяці.
Беларус Уладзімір Віцікаў, якога затрымалі за замах на забойства маленькага афганца, віну прызнаў і раскаяўся. Сёння яго адправілі пад арышт.
На пытанне суддзі, ці працаўладкаваны ён, Віцікаў адказаў: «На ўсё жыццё цяпер працаўладкаваны». Мужчыну пагражае да 15 гадоў пазбаўлення волі.
Каментары
А каб тое ў беларусі было
Мог бы і калідорчыкам прагуляцца.