У Маскве паведамілі пра стварэнне пад выбары ў Малдове прарасійскага блока
Прарасійскі палітычны блок «Перамога», якім з-за мяжы кіруе алігарх Ілан Шор, плануе ўдзельнічаць у восеньскіх парламенцкіх выбарах. На чале яго збіраюцца паставіць башкана Гагаузіі, якая цяпер знаходзіцца пад судом, паведамляе расійскае агенцтва Sputnik.
На з'ездзе ў Маскве Ілан Шор паведаміў, што ўжо на наступным тыдні будуць пададзеныя дакументы для рэгістрацыі блоку. На чале спісу кандыдатаў стане кіраўніца Гагаузіі Яўгенія Гуцул, якая зараз знаходзіцца пад судом у Малдове па справе аб незаконным фінансаванні партыі «Шор».
Шор сцвярджае, што выбары будуць «бруднымі», а ўлады нібыта паспрабуюць зняць іх блок з удзелу. Ён таксама абвясціў пра пачатак збору подпісаў за саюз Малдовы з Расіяй і заявіў, што іх мэта — звяржэнне цяперашняй улады і правядзенне датэрміновых выбараў. Акрамя таго, Шор заявіў, што Малдова павінна далучыцца да АДКБ — вайскова-палітычнага саюза на чале з Расіяй.
Раней праеўрапейская прэзідэнтка Малдовы Мая Санду казала, што Расія можа выкарыстаць сітуацыю ў Прыднястроўі для дестабілізацыі краіны напярэдадні выбараў. А віцэ-прэм’ерка Крысціна Герасімава падкрэсліла, што Малдова імкнецца пачаць перамовы аб уступленні ў Еўрасаюз яшчэ да прызначаных на верасень выбараў, каб супрацьдзейнічаць расійскай дэзынфармацыі.
Пракуратура Малдовы патрабуе прыгаварыць кіраўнічку Гагаузіі да дзевяці гадоў турмы
Малдова забараніла ўезд у краіну беларускай зборнай па кікбоксінгу. У яе складзе быў і Дзмітрый Шакута
У Малдове на гей-прайдзе зноў засвяціўся «старакаталіцкі святар» з Наваградка, пра якога не было нічога чуваць больш за 5 гадоў
Цяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі20
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1616
Каментары