Малдова забараніла ўезд у краіну беларускай зборнай па кікбоксінгу. У яе складзе быў і Дзмітрый Шакута
Улады Малдовы забаронілі ўезд у краіну беларускай зборнай па кікбоксінгу, у тым ліку трэнеру Дзмітрыю Шакуце, які знаходзіцца пад міжнароднымі санкцыямі за магчымую датычнасць да смерці актывіста Рамана Бандарэнкі ў Мінску. У выніку гэтых дзеянняў Сусветная асацыяцыя кікбоксінгу (WKF) увогуле адмяніла чэмпіянат Еўропы, які планаваўся ў Малдове з 22 па 29 чэрвеня.
Паводле паведамлення TVR Moldova, уезд у краіну быў забаронены 152 грамадзянам Расіі, 64 грамадзянам Беларусі, а таксама некаторай колькасці прадстаўнікоў Грузіі і Азербайджана.
Малдаўскія спецслужбы патлумачылі рашэнне меркаваннямі нацыянальнай бяспекі. Паводле іх тлумачэння, некаторыя ўдзельнікі маглі пераследаваць мэты, не звязаныя са спортам, і, магчыма, мелі сувязі з вайсковымі структурамі або ўдзельнічалі ў распаўсюджванні прарасійскай прапаганды.
Частка гэтых людзей не была дапушчаная нават да пасадкі ў самалёт, а 38 чалавекам адмовілі ва ўездзе пасля прыбыцця ў Кішынёў.
Чэмпіянат арганізоўвала мэрыя Кішынёва сумесна з клубам Garuda, якім кіруе спрэчная фігура — Рустам Алімаў. Чэмпіянат выклікаў крытыку сярод іншага і таму, што WKF не прызнаецца Міжнародным алімпійскім камітэтам і, паводле паведамлення, мае сувязі з асобамі з Расіі, якія знаходзяцца пад санкцыямі. Прэзідэнт WKF Фрыц Эксэнбергер раней быў выключаны з іншай міжнароднай спартыўнай арганізацыі за махлярства.
Таксама Міністэрства адукацыі і даследаванняў Малдовы асудзіла правядзенне гэтага турніру без належнага ўзгаднення з уладамі і з удзелам расійскіх спартсменаў пад нацыянальнай сімволікай, што супярэчыць міжнародным санкцыям.
Асобная ўвага звернута на прысутнасць у беларускай дэлегацыі Дзмітрыя Шакуты — ён знаходзіцца пад санкцыямі ЗША, Латвіі, Літвы і Эстоніі за меркаванае саўдзел у жорсткім збіцці і гібелі Рамана Бандарэнкі ў 2020 годзе.
У гадавіну смерці Рамана Бандарэнкі на БТ адбылася прэм’ера шоу, дзе адзін з удзельнікаў — Шакута
На ўчастку Шакуты пад Мінскам згарэла пабудова. Падазраюць падпал
Мужчына, які напаў на Рамана Бандарэнку, падобны да чэмпіёна па кікбоксінгу, інструктара часці 3214
Рэстаратар, які выклікаў Лукашэнку на дуэль, атрымаў адказ. Але не ад Лукашэнкі ВІДЭА
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Не знаю, как Баскову в секции каратэ, а мы на первом же занятии все были строго предупреждены о недопустимости применения получаемых навыков за пределами ковра и зала, иначе как для собственной защиты и защиты других.
Эти же ублюдки умышленно убили человека, а причинение тяжких телесных при применение навыков боевых единоборств квалифицируется именно так, и должны быть исключены из федераций боевых искусств с пожизненным запретом допуска к участию в соревнованиях и жизни федерации в любых качествах и ипостасях.