Паводле слоў прэзідэнта ЗША, ён «расчараваны ў Расіі».
«Але паглядзім, што адбудзецца ў бліжэйшыя пару тыдняў», — адзначыў ён.
«Думаю, у панядзелак я зраблю важную заяву па Расіі», — сказаў Трамп NBC News.
Раней на гэтым тыдні прэзідэнт ЗША ўжо заяўляў пра сваю незадаволенасць Расіяй.
Дональд Трамп рэзка выказаўся пра Уладзіміра Пуціна, абвінаваціўшы яго ў нежаданні спыніць вайну ва Украіне. Паводле яго слоў, сказаных падчас пасяджэння амерыканскага ўрада, Пуцін «кідае ў нас кучы гаўна [bullshit]».
Трамп падкрэсліў, што вайна, якая ідзе цяпер, ніколі не павінна была пачацца, і адзначыў вялікія чалавечыя страты. Ён заявіў, што хаця Пуцін і захоўвае ветлівасць у перамовах, усё гэта аказваецца пустымі словамі. Таксама ён не выключыў увядзенне новых санкцый супраць Расіі: «Я разглядаю гэта».
Каментары