«Кідае ў нас кучы гаўна». Трамп заявіў пра сваю незадаволенасць Пуціным
Прэзідэнт ЗША Дональд Трамп рэзка выказаўся пра Уладзіміра Пуціна, абвінаваціўшы яго ў нежаданні спыніць вайну ва Украіне. Паводле яго слоў, сказаных падчас пасяджэння амерыканскага ўрада, Пуцін «кідае ў нас кучы гаўна [bullshit]», піша The Guardian.
Трамп падкрэсліў, што вайна, якая ідзе цяпер, ніколі не павінна была пачацца, і адзначыў вялікія чалавечыя страты. Ён заявіў, што хаця Пуцін і захоўвае ветлівасць у перамовах, усё гэта аказваецца пустымі словамі. Таксама ён не выключыў увядзенне новых санкцый супраць Расіі: «Я разглядаю гэта».
Тым часам былы спікер Палаты прадстаўнікоў Ньют Гінгрыч паведаміў, што 9 ліпеня ў Кангрэс будзе прадстаўлены законапраект аб «скрышальных» санкцыях супраць Расіі, распрацаваны сенатарам Ліндсі Грэмам. Гінгрыч назваў дакумент «важным сігналам Пуціну» і падкрэсліў, што цярпенне да яго паводзін у амерыканцаў заканчваецца.
Сенатар Ліндсі Грэм раней заяўляў, што закон прадугледжвае магчымасць для Трампа ўвесці 500%-я мыты на тавары з краін, якія купляюць расійскія прадукты, у тым ліку нафту і газ. Ён падтрымаў намеры Трампа спыніць вайну, але адзначыў, што для міру патрэбныя абодва бакі — і калі Украіна гатовая да перамоў, то Пуцін пакуль не.
Грэм лічыць, што цяпер самы час узмацніць ціск на Расію, і паведаміў, што законапраект ужо падтрымалі 85 сенатараў, прытым колькасць прыхільнікаў расце.
Хоць Трамп падчас сваіх першых званкоў Пуціну пасля вяртання ў Белы дом сцвярджаў, што той нібыта хоча міру, на справе Расія толькі ўзмацняла атакі на Украіну — і цяпер нават Трамп гэта прызнае.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Лухта [сабачая] — вось правільны пераклад.