Беларуска за свой кошт арганізавала свята ў роднай вёсцы, якая амаль вымерла. Прыехалі аднавяскоўцы нават з Еўрасаюза
Але для таго, каб за ўласныя грошы правесці свята, жанчыне прыйшлося два гады змагацца з беларускай бюракратыяй.
Бізнэсвумэн Святлана Зерэ распавяла ў сваім інстаграме пра кранальнае свята ў вёсцы Карніца Глускага раёна. Арганізавала мерапрыемства для аднавяскоўцаў яе цётка Лілія Клімава.
— Нягледзячы на тое, што на раёне не надта шмат варушняку, цётка вырашыла зрабіць свята ў роднай вёсцы, цалкам за свой кошт! Цалкам аплаціла і суправаджэнне міліцыі, і доктара, і гастрольнае. Скінуліся сёстрамі, каб сабраць усіх жыхароў і сваякоў паміраючай вёскі і ажывіць яе. Брава!
Святлана дадала, што на свяце бачыла машыны з нумарамі розных куткоў Беларусі — і нават з Еўрасаюза.
Атрымалася ўсё сапраўды душэўна. Асвятляла падзею раёнка. На відэа ў тыктоку «Глускіх навін» бачна, як людзі рады сустрэчы пакаленняў: дзеці танчаць, самыя ўзроставыя жыхары глядзяць канцэрт. Спявалі нават песню, прысвечаную менавіта гэтай вёсцы.
А шчаслівых абдымкаў была неймаверная колькасць.
Але ж, як высветлілася, за тое, каб зрабіць свята, жанчыне прыйшлося змагацца ажно два гады.
— Шкада, што такія ініцыятывы — выключна асабістая гісторыя, — бедавала ў сторыс Зерэ. — Цётка два гады спрабавала зрабіць гэтае свята магчымым, атрымлівала адмовы, але не здалася. На такіх людзях свет трымаецца!
На Віцебшчыне пенсіянеркі паставілі мемарыял уласнай вёсцы на могілках — канцэпт ацанілі не ўсе
У Баранавіцкім раёне жыхары скардзяцца на краму, у якой «немагчыма патраціць грошы»
У Віцебску ёсць могілкі, якія здзіўляюць раскошай. Хто ж там пахаваны?
Людзі здзіўляюцца таму, што ў вёсках на Браслаўшчыне няма платоў. Чым гэта можна патлумачыць?
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары
Потым лезуць да ўкраінцаў з "братэрскімі абдымкамі", маўляў гэта не мы, гэта лукашысты.