Biełaruska za svoj košt arhanizavała śviata ŭ rodnaj vioscy, jakaja amal vymierła. Pryjechali adnaviaskoŭcy navat ź Jeŭrasajuza
Ale dla taho, kab za ŭłasnyja hrošy pravieści śviata, žančynie pryjšłosia dva hady zmahacca ź biełaruskaj biurakratyjaj.
Biznesvumen Śviatłana Ziere raspaviała ŭ svaim instahramie pra kranalnaje śviata ŭ vioscy Karnica Hłuskaha rajona. Arhanizavała mierapryjemstva dla adnaviaskoŭcaŭ jaje ciotka Lilija Klimava.
— Niahledziačy na toje, što na rajonie nie nadta šmat varušniaku, ciotka vyrašyła zrabić śviata ŭ rodnaj vioscy, całkam za svoj košt! Całkam apłaciła i supravadžeńnie milicyi, i doktara, i hastrolnaje. Skinulisia siostrami, kab sabrać usich žycharoŭ i svajakoŭ pamirajučaj vioski i ažyvić jaje. Brava!
Śviatłana dadała, što na śviacie bačyła mašyny z numarami roznych kutkoŭ Biełarusi — i navat ź Jeŭrasajuza.
Atrymałasia ŭsio sapraŭdy dušeŭna. Aśviatlała padzieju rajonka. Na videa ŭ tyktoku «Hłuskich navin» bačna, jak ludzi rady sustrečy pakaleńniaŭ: dzieci tančać, samyja ŭzrostavyja žychary hladziać kancert. Śpiavali navat pieśniu, pryśviečanuju mienavita hetaj vioscy.
A ščaślivych abdymkaŭ była niejmaviernaja kolkaść.
Ale ž, jak vyśvietliłasia, za toje, kab zrabić śviata, žančynie pryjšłosia zmahacca ažno dva hady.
— Škada, što takija inicyjatyvy — vyklučna asabistaja historyja, — biedavała ŭ storys Ziere. — Ciotka dva hady sprabavała zrabić hetaje śviata mahčymym, atrymlivała admovy, ale nie zdałasia. Na takich ludziach śviet trymajecca!
Na Viciebščynie piensijanierki pastavili miemaryjał ułasnaj vioscy na mohiłkach — kancept acanili nie ŭsie
U Baranavickim rajonie žychary skardziacca na kramu, u jakoj «niemahčyma patracić hrošy»
U Viciebsku jość mohiłki, jakija ździŭlajuć raskošaj. Chto ž tam pachavany?
Ludzi ździŭlajucca tamu, što ŭ vioskach na Brasłaŭščynie niama płatoŭ. Čym heta možna patłumačyć?
Kamientary
Potym lezuć da ŭkraincaŭ z "braterskimi abdymkami", maŭlaŭ heta nie my, heta łukašysty.