Выдавецтва «Янушкевіч» адкрыла перадзаказ на «Дзюну» Фрэнка Герберта
Выдавецтва «Янушкевіч» адкрыла папярэдні заказ на беларускамоўную версію «Дзюны» Фрэнка Герберта ў перакладзе Ігара Кулікова — аднаго з найлепшых беларускіх перакладчыкаў.
«Для нас гэта вельмі важная падзея: ад поспеху гэтай кнігі залежыць шлях, якім мы пойдзем найбліжэйшым часам.
Маем спадзяванні, што фенаменальны твор Герберта ўзрушыць чытацкую аўдыторыю і па-новаму прастымулюе цікавасць да кніг і чытання.
Мы рана адкрываем папярэдні заказ, каб як след падрыхтавацца да новага кніжнага сезону. Абяцаем, што будзе мноства цікавых навінак» — піша выдавецтва.
Старт продажаў прызначаны на 8 кастрычніка — дзень нараджэння самога Фрэнка Герберта. Якасны друк, цвёрдая вокладка, прафесійная падрыхтоўка, больш за 750 старонак.
Каментары