Работнікі жлобінскай фабрыкі «Белфа» абураныя рашэннем аб яе закрыцці
Мужчына ў сінім касцюме — меркавана прадстаўнік Мінлегпрама, прызначаны для ліквідацыі прадпрыемства — спрабуе адказваць на пытанні работнікаў, але не спраўляецца і пакідае сход, піша «Флагшток».
Падчас сустрэчы «ліквідатар» паведаміў, што прадпрыемства з'яўляецца нерэнтабельным, з абавязкамі і падлягае ліквідацыі.
Сярод работнікаў чутныя абураныя галасы:
— Чаму ліквідацыя адбываецца за кошт вытворчасці? Бо 51% акцый належыць дзяржаве! 99% работнікаў былі супраць закрыцця!
— І што цяпер? Мы працавалі, стараліся, нас усё задавальняла. Чаму вы раней не аказалі хоць нейкую дапамогу? Вы ж нічога не зрабілі!
Для работнікаў «Белфы» сітуацыя вельмі цяжкая. Многія спецыялісты прапрацавалі на фабрыцы дзесяцігоддзямі і зараз не змогуць знайсці іншую працу ў Жлобіне.
5 жніўня тэлеграм-канал «Свабодны Жлобін» паведаміў, што ў райцэнтры ходзяць чуткі аб ліквідацыі гэтага прадпрыемства — найбуйнейшага ў Еўропе вытворцы штучнага і ваўнянага футра на трыкатажнай аснове. Паводле звестак канала, пра закрыццё фабрыкі «гавораць ужо як мінімум месяц», і ліквідацыя прадпрыемства можа адбыцца «ўжо гэтай восенню».
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?17
Каментары