На перадвыбарчым мерапрыемстве прэзідэнта Аргенціны Хаўера Мілея сталі абражаць, а потым у яго паляцелі камяні і пластыкавыя бутэлькі.
Фота з інстаграма Хаўера Мілея
Гэта адбылося праз некалькі хвілін пасля таго, як Мілей прыбыў у Ламас-дэ-Самора (прыгарад Буэнас-Айрэса), паведамляе аргенцінская газета Clarin.
Мілея і ягоную сястру, якая была з ім, неадкладна эвакуявалі. Паводле даных навінавага партала Bloomberg, яны не пацярпелі. Аднак адна прыхільніца Мілея атрымала раненне, хуткая дапамога даставіла яе ў бальніцу. Дэпутат Аргенціны Хасэ Луіс Эсперт быў вымушаны ратавацца ўцёкамі.
«Тое, што толькі што адбылося ў Ламас-дэ-Самора, — гэта замах. Яны спрабавалі забіць прэзідэнта нацыі», — сказаў прэс-сакратар прэзідэнта.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары